რეზონანსი
23.10.2020

მამუკა ხაზარაძე ქუთაისში ღონისძიებას ონლაინ ჩაერთო და განაცხადა, რომ პარტია საქართველოს გამარჯვებისკენ ახალ სვლას “ლელოსთან” ერთად, ახალი სახეებით, ახალი იდეებით და პროგრამით იწყებს. 

“რამდენიმე დღეში ჩვენი თანაგუნდელებისთვის გამოვაცხადებთ ჩვენს კონკრეტულ გეგმას, გამარჯვების ფორმულას, თუ როგორ უნდა გავხდეთ მთავარი ოპოზიციური ძალა არჩევნებამდე, როგორ მოვიგოთ ეს არჩევნები და და როგორ მოვახდინოთ ახალი კოალიციური მთავრობის ფორმირება სხვა ოპოზიციურ პარტიებთან ერთად. მთავრობის ფორმირებას მოახდენს „ლელო“ და განახორციელებს „მარშალის გეგმას,”-განაცხადა მამუკა ხაზარაძემ. 

მისი თქმით, არჩევნების გამარჯვების შემდეგ ჩვენ გადავდგამთ ახალ ნაბიჯებს, რაც ნიშნავს, რომ უარს ვამბობთ წარსულ პოლიტიკაზე, ძველ სახეებზე. “ლელოს” თავმჯდომარის თქმით, პარტია მთავარი ოპოზიციური ძალა გახდება და ის ქვეყნის რეკონსტრუქციას პირველივე დღიდან დაიწყებს. 

“ჩვენ 8 თვეში შევქმენით ყველაზე დიდი პარტია, ახალგაზრდული, პროფესიონალთა გუნდი, 30 წლის განმავლობაში ყველაზე ძლიერი პროგრამა, რომლის მსგავსი არ დაწერილა საქართველოს პოლიტიკურ ცხოვრებაში. პროგრამა, რომელიც 4 წელიწადში ქვეყანაში შექმნის ძლიერ საშუალო ფენას და საქართველო ერთხელ და სამუდამოდ გაიმართება წელში. ვიწყებთ ახალ სვლას საქართველოს გამარჯვებისკენ, “ლელოსთან” ერთად, ახალი სახეებით, ახალი იდეებით და პროგრამით. ახალ ცხოვრებას ახალი საწყისით 31 ოქტომბრიდან დავიწყებთ.

მინდა, ქუთაისიდან, ამ ერთ-ერთი ყველაზე მაგარი ქალაქიდან, საქართველოს შუაგულიდან მივმართო ყველას – რომ არ გაუშვათ შანსი, მიიღოთ არჩევნებში მონაწილეობა, რათა ჩვენი ქვეყანა ფეხზე დავაყენოთ. ეს ჩვენი შანსია, რათა ჩვენი  ქვეყანა გახდეს მიზიდულობის ცენტრი კულტურული თუ ფინანსური თვალსაზრისით და იქცეს რეგიონში წამყვან ძალად.

ქუთაისისთვის გვაქვს ძალიან სერიოზული პროგრამა ჩვენი “მარშალის გეგმის” მიხედვით. ქუთაისი გადაიქცევა ლოჯისტიკის, საჰაერო, სავაჭრო, ფინანსურ ეპიცენტრად და ამისათვის ყველაფერი გამზადებულია. ანაკლიის პროექტი იქნება ორგანულ კავშირში ქუთაისთან და ეს ორი ძარღვი იქნება ქართული ეკონომიკის ერთ-ერთი ყველაზე ძლიერი ამამუშავებელი ძალა,”-განაცხადა ხაზარაძემ.

სტატიების ნახვა შეგიძლიათ რუბრიკაში "ყველა სტატია"

ყველა ახალი ამბის ნახვა შეგიძლიათ ამ ბმულზე

საინტერესო ვიდეოები შეგიძლიათ იხილოთ რუბრიკაში "ყველა ვიდეო"

ბოლო ამბების ნახვა შეგიძლიათ ამ ბმულზე

ლიცენზია
დატოვე კომენტარიკომენტარები (2)
ჩაწერა სახელი
ნინო   (24.10.2020)
იოცნებეთ, თქვენი რა მიდის, პროვოკაციის მოწყობაში ხომ მაინც ხართ მაგრები.

SOS   (23.10.2020)
ამ ამბიციებით დარჩებით დ ი დ ხ ა ნ ს


Copyright © 2006-2020 by Resonance ltd. . All rights reserved
×