რეზონანსი
28.09.2020

ოკუპირებული აფხაზეთის გუდაუთის საავადმყოფოში კორონავირუსით ერთი პაციენტი გარდაიცვალა. ამის შესახებ ე.წ. ოპერატიული შტაბი იუწყება.

„გარდაიცვალა 58 წლის პაციენტი, რომელიც საავადმყოფოში 9 სექტემბერს მოათავსეს. მას ჰაერის მძიმე უკმარისობა და ფილტვების დაზიანება აღენიშნებოდა. მანამდე ის თვითნებურად სახლში მკურნალობდა, ჯანმრთელობის გაუარესების გამო კი საავადმყოფოში გადაიყვანეს. 20 სექტემბერს ხელოვნური სუნთქვის აპარატზე შეაერთეს. თუმცა, 28 სექტემბერს გარდაიცვალა. მამაკაცს ღვიძლის თანმდევი დაავადებაც ჰქონდა", - განაცხადეს ე.წ. ოპერატიულ შტაბში.

მათივე ცნობით, საერთო ჯამში ოკუპირებულ აფხაზეთში კორონავირუსით 10 ადამიანი გარდაიცვალა.

გასული დღე-ღამის განმავლობაში კორონავირუსზე ტესტი 96 ადამიანს ჩაუტარდა, რომელთაგან დადებითი პასუხი 20 მათგანს დაუდასტურდა. ამ დროისთვის გუდაუთის საავადმყოფოში 106 კოვიდინფიცირებული მკურნალობს, მძიმე მდგომარეობაშია 14, საშუალო სიმძიმისაა 27, 9 პაციენტი კი გაეწერა. თვითიზოლაციაში გამოჯანმრთელდა 25 ადამიანი.

მთლიანობაში ოკუპირებულ აფხაზეთში კორონავირუსის 1352 შემთხვევაა გამოვლენილი, 434 გამოჯანმრთელდა.

სტატიების ნახვა შეგიძლიათ რუბრიკაში "ყველა სტატია"

ყველა ახალი ამბის ნახვა შეგიძლიათ ამ ბმულზე

საინტერესო ვიდეოები შეგიძლიათ იხილოთ რუბრიკაში "ყველა ვიდეო"

ბოლო ამბების ნახვა შეგიძლიათ ამ ბმულზე

ლიცენზია
დატოვე კომენტარიკომენტარები (0)
ჩაწერა სახელი

Copyright © 2006-2020 by Resonance ltd. . All rights reserved
×