რეზონანსი
20.09.2020

ზესტაფონის ინდუსტრიალიზაციის გაძლიერებაზე საუბრისას, რაც პირდაპირ ნიშნავს ადგილობრივი წარმოების გაძლიერებას, არ უნდა დაგვავიწყდეს ეკოლოგია და აქ უნდა ვიპოვოთ ის ბალანსი, როდესაც სამუშაო ადგილებიც გვჭირდება, საექსპორტო პროდუქციაც და მეტალურგიაც, მაგრამ არა იმის ფასად, რომ ჩვენი მომავალი თაობა და მოხუცები დაავადდნენ ეკოლოგიურად მძიმე ვითარებით. ამიტომ, ჩვენი ძირითადი ამოცანაა, გვქონდეს მაღალი ხარისხის კომპეტენცია, რომ დავაკმაყოფილოთ ეკოლოგიური სტანდარტებიც და ექსპორტზეც გავიტანოთ ჩვენი მანგანუმი, - ამის შესახებ საქართველოს პრემიერ-მინისტრმა გიორგი გახარიამ, ზესტაფონის, ბაღდათის, თერჯოლისა და ტყიბულის „ქართული ოცნების" მაჟორიტარი დეპუტატობის კანდიდატის, ბეჟან წაქაძის წარდგენისას, ზესტაფონში განაცხადა.

პრემიერ - მინისტრმა აღნიშნა, რომ ზესტაფონი ყოველთვის გამორჩეული იყო საქართველოში, როგორც ინდუსტრიული ქალაქი და აქ საუბარი არ არის მხოლოდ მეტალურგიაზე. მისი თქმით, ზესტაფონი ასევე საკმაოდ კარგად იყო განვითარებული ელექტროენერგეტიკის, კვების მრეწველობის, სოფლის მეურნეობის და ბევრი სხვა მიმართულებით.

გიორგი გახარიამ აღნიშნა, რომ ხელისუფლებამ ყველაფერი უნდა გააკეთოს, რათა პირველ რიგში სამუშაო ადგილების მაქსიმალურად შექმნას შეუწყოს ხელი.

სტატიების ნახვა შეგიძლიათ რუბრიკაში "ყველა სტატია"

ყველა ახალი ამბის ნახვა შეგიძლიათ ამ ბმულზე

საინტერესო ვიდეოები შეგიძლიათ იხილოთ რუბრიკაში "ყველა ვიდეო"

ბოლო ამბების ნახვა შეგიძლიათ ამ ბმულზე

ლიცენზია
დატოვე კომენტარიკომენტარები (2)
ჩაწერა სახელი
კოტე   (20.09.2020)
კარგი ადამიანი,თავდაჭერილი და ყველა სხვა სიკეთესთან ერთად წარმატებული პ რ ე მ ი ე რ ი !

ИНЦИТАТУС   (20.09.2020)
Марталиа Гахариа, бавшвебзе твалебис датхра квеканас счирдебода. Ваи шенс патронс, мартла фтирофаги+имбецили арсеба хар, мшоблеб швилебианад


Copyright © 2006-2020 by Resonance ltd. . All rights reserved
×