რეზონანსი
14.08.2020

ბათუმში, საკარანტინო სივრცის მე-4 სართულიდან გადმომხტარი მამაკაცის მეუღლე სუიციდის ვერსიას გამორიცხავს და სათვალთვალო კამერების ამოღებას მოითხოვს.

მისი თქმით, 27 წლის ახალგაზრდას ფსიქიკურ ჯანმრთელობასთან დაკავშირებით პრობლემები არ აქვს.

„მას არანაირი ფსიქიკური აშლილობა და დეპრესიული პრობლემები არ აქვს. ღამის 12 საათამდე ვეკონტაქტებოდი, ბავშვი როგორ არის, ერთი სული მაქვს როდის ჩამოვალო. სასტუმრო „ლეგასის“ ცხელ ხაზზე ვრეკავ და არანაირი პასუხი არ არის.

როგორ შეიძლება, ადამიანი კარანტინში მოხვდა, საკარანტინო პერიოდის პირველი დღეა და ყურადღება არ მიაქციონ. ან გარეთ თუ გავიდა, პერსონალი სად არის, ვინც კონტროლზეა პასუხისმგებელი? კარანტინი რატომ არის მაშინ, თუ სამი-ოთხი ადამიანი ერთადაა და საუბარს მართავენ, მაშინ ეს ჯანდაცვის სამინისტროს დიდი შეცდომა ყოფილა“, – ამბობს დაშავებულის მეუღლე „მთავართან“ აუბრისას.

მომხდარზე შინაგან საქმეთა სამინისტრომ გამოძიება სისხლის სამართლის კოდექსის 115-ე მუხლით დაიწყო, რაც თვითმკვლელობამდე მიყვანას გულისხმობს.

სტატიების ნახვა შეგიძლიათ რუბრიკაში "ყველა სტატია"

ყველა ახალი ამბის ნახვა შეგიძლიათ ამ ბმულზე

საინტერესო ვიდეოები შეგიძლიათ იხილოთ რუბრიკაში "ყველა ვიდეო"

ბოლო ამბების ნახვა შეგიძლიათ ამ ბმულზე

ლიცენზია
დატოვე კომენტარიკომენტარები (0)
ჩაწერა სახელი

Copyright © 2006-2020 by Resonance ltd. . All rights reserved
×