რეზონანსი
14.08.2020

მსოფლიო მორიგმა პანიკამ მოიცვა - ჩინეთში ბრაზილიიდან იმპორტირებულ ქათმის ფრთებში კორონავირუსია აღმოჩენილი. გაყინულ ქათამზე COVID-19-ის აღმოჩენის შესახებ ცნობა სამხრეთ ჩინეთის ერთ-ერთმა პროვინციამ გაავრცელა, რის გამოც ბრაზილია პეკინის განმარტებებს მოითხოვს. ჯერჯერობით ყველა იმ ადამიანის ტესტის პასუხი, ვისაც ინფიცირებულ პროდუქტთან შეხება ჰქონდა უარყოფითია. 

ატეხილი აჟიოტაჟის გამო ჯანდაცვის მსოფლიო ორგანიზაცია სპეციალურ განცხადებას ავრცელებს, სადაც ნათქვამია, რომ ადამიანებს საკვებიდან კორონავირუსის გავრცელების არ უნდა ეშინოდეთ, ყოველ შემთხვევაში, ამ ეტაპზე, არც ერთი ასეთი ფაქტი დადასტურებული არ არის.

დაიწყება თუ არა საქართველოში ბრაზილიიდან იმპორტირებული გაყინული ხორცის კვლევა - სურსათის უვნებლობის ეროვნულ სააგენტოს, ჯერჯერობით, ხორცის შემოწმების გადაწყვეტილება არ მიუღია. ასევე არ იგეგმება ბრაზილიიდან ხორცის იმპორტის შეზღუდვაც. ჯანდაცვის მინისტრის პირველი მოადგილე თამარ გაბუნია ამბობს, რომ ამ დრომდე, საკვებიდან ადამიანზე ვირუსის შესაძლო გადადების საკითხზე დასკვნა, ჯანდაცვის მსოფლიო ორგანიზაციას არ გაუცია.

სტატიების ნახვა შეგიძლიათ რუბრიკაში "ყველა სტატია"

ყველა ახალი ამბის ნახვა შეგიძლიათ ამ ბმულზე

საინტერესო ვიდეოები შეგიძლიათ იხილოთ რუბრიკაში "ყველა ვიდეო"

ბოლო ამბების ნახვა შეგიძლიათ ამ ბმულზე

ლიცენზია
დატოვე კომენტარიკომენტარები (0)
ჩაწერა სახელი

Copyright © 2006-2020 by Resonance ltd. . All rights reserved
×