რეზონანსი
14.08.2020

დიდუბეში აფეთქების შედეგად დაზარალებული 2 პირის ჯანმრთელობის მდგომარეობა სტაბილურია. როგორც დამწვრობის ცენტრის დირექტორმა გუგა ქაშიბაძემ განაცხადა, ერთი პაციენტი 68 წლის ქალბატონია, რომელსაც სხეულის 25% აქვს დამწვარი, ხოლო მეორე 29 წლის მამაკაცი სხეულის 13%-ის დამწვრობით.

"ჩვენს კლინიკაში შემოვიდა 2 პაციენტი. სავარაუდოდ, ბუნებრივი აირის აფეთქების შედეგად. ქალბატონი 68 წლის, სხეულის 25%-ის დაზიანებით, მეორე-მესამე ხარისხის სასუნთქი გზების დამწვრობით. დამწვრობა არის სახეზე, ორივე ზედა კიდურზე ცირკულარულად. მოთავსებულია რეანიმაციულ განყოფილებაში.

მეორე პაციენტი ახალგაზრდა მამაკაცია 29 წლის, სადაც სახე და მტევნებია დამწვარი. მას დამწვარი აქვს სხეულის 13%, მეორე-მესამე ხარისხი, მოთავსებულია დამწვრობის ქირურგიულ განყოფილებაში. ამ წუთებში, მიმდინარეობს მათი ინტენსიური მკურნალობა, მდგომარეობა ჯერჯერობით სტაბილურია," - განაცხადა გუგა ქაშიბაძემ.

შეგახსენებთ, დიდუბეში საწყობის აფეთქების შედეგად ორი ადამიანი დაშავდა. დაშავებულები საწყობის თანამშრომლები არიან. ისინი საშუალო სიმძიმის დამწვრობით კლინიკაში გადაიყვანეს.

როგორც "რუსთავი 2"-ს საგანგებო სიტუაციათა სამსახურში განუცხადეს, აფეთქებას ხანძარი, ნგრევა და მსხვერპლი არ მოჰყოლია. აფეთქების მიზეზის დასადგენად გამოძიება მიმდინარეობს.

სტატიების ნახვა შეგიძლიათ რუბრიკაში "ყველა სტატია"

ყველა ახალი ამბის ნახვა შეგიძლიათ ამ ბმულზე

საინტერესო ვიდეოები შეგიძლიათ იხილოთ რუბრიკაში "ყველა ვიდეო"

ბოლო ამბების ნახვა შეგიძლიათ ამ ბმულზე

ლიცენზია
დატოვე კომენტარიკომენტარები (0)
ჩაწერა სახელი

Copyright © 2006-2020 by Resonance ltd. . All rights reserved
×