რეზონანსი
11.08.2020

ინფექციური საავადმყოფოს დირექტორი თენგიზ ცერცვაძე მესტიაში არსებულ ვითარებას საგანგაშოდ არ მიიჩნევს და აცხადებს, რომ საქართველოში ვირუსის ასეთი კერების გაჩენის ალბათობა მაღალია.

როგორც ცერცვაძე ამბობს, საქართველოში ვირუსის მეორე ტალღა ჯერ არ დაწყებულა.

„დრო და დრო ასეთი კერები საქართველოში გაჩნდება, რადგან ჩვენ თუ არ ჩავთვლით საერთაშორისო მიმოსვლას, სხვა ყველა შეზღუდვა ქვეყნის შიგნით მოხსნილია, სრული მასშტაბით მიმდინარეობს, როგორც შიდა ტურიზმი, ისე ბიზნესი. მე ვერ ვხედავ ამაში საგანგაშოს, ზუსტად ასე იყო გავრცელება ყარაჯალაში და გარდაბნის რაიონში, ეს ინციდენტი ერთ კვირაში ამოიწურა.

ეს არ არის მეორე ტალღა, ეს არის ლოკალური შემთხვევა. რატომ არის ჩვენი ქვეყანა წარმატებული კოვიდთან ბრძოლაში? - როგორც კი გამოჩნდება ასეთი კერა, მყისიერი რეაგირება ხდება. ასე ჩაიკეტა ორი კვირის წინ ყარაჯალა, მანამდე მარნეული, ბოლნისი, თეთრიწყარო და შემდეგ გაიხსნა. როცა ასეთი ჯგუფური შემთხვევა ფიქსირდება, ის უნდა ჩაიკეტოს, რათა მთელი მოსახლეობა გამოიკვლიოს",- განაცხადა ცერცვაძემ.

სტატიების ნახვა შეგიძლიათ რუბრიკაში "ყველა სტატია"

ყველა ახალი ამბის ნახვა შეგიძლიათ ამ ბმულზე

საინტერესო ვიდეოები შეგიძლიათ იხილოთ რუბრიკაში "ყველა ვიდეო"

ბოლო ამბების ნახვა შეგიძლიათ ამ ბმულზე

ლიცენზია
დატოვე კომენტარიკომენტარები (0)
ჩაწერა სახელი

Copyright © 2006-2020 by Resonance ltd. . All rights reserved
×