რეზონანსი
10.08.2020

მესტიაში კორონავირუსის 17 შემთხვევა დადასტურდა. ინფორმაციას სამეგრელო-ზემო სვანეთის სამხარეო ადმინისტრაციაში ადასტურებენ.

როგორც გუბერნატორის მოადგილე ნინო ვიბლიანმა ჟურნალისტებს უთხრა, ამ დროისთვის დადასტურებული შემთხვევების ნაწილი თბილისისა და ქუთაისის კლინიკებშია გადაყვანილი, ნაწილი კი ამ წუთებში გადმოჰყავთ და ისინი სხვადასხვა, მათ შორის, ზუგდიდის კოვიდ მიმღებ კლინიკებში გადანაწილდებიან.

ამავე ინფორმაციით, ლენჯერში ახალი ვირუსული ინფექცია თბილისიდან ჩამოსული პირისგან გავრცელდა.

ახალი შემთხვევებიდან 7 მესტიის მკვიდრია, დანარჩენი კი ჩასული სტუმრები.

როგორც ეპიდემიოლოგები ამბობენ, მიმდინარეობს ჩაღრმავებული ეპიდკვლევა და ლაბორატორიული კვლევები. დაავადებათა კონტროლის 5 ბრიგადა დღეს მთელი დღის განმავლობაში იმუშავებს სოფელში და ყველა მცხოვრებს ბიოლოგიურ მასალას აუღებენ.

სტატიების ნახვა შეგიძლიათ რუბრიკაში "ყველა სტატია"

ყველა ახალი ამბის ნახვა შეგიძლიათ ამ ბმულზე

საინტერესო ვიდეოები შეგიძლიათ იხილოთ რუბრიკაში "ყველა ვიდეო"

ბოლო ამბების ნახვა შეგიძლიათ ამ ბმულზე

ლიცენზია
დატოვე კომენტარიკომენტარები (0)
ჩაწერა სახელი

Copyright © 2006-2020 by Resonance ltd. . All rights reserved
×