რეზონანსი
08.08.2020

ქართველი ოკუპაციას არასდროს შეეგუება და ნებისმიერ ომში შევა, რომ მას ეროვნული თავმოყვარეობა არ შეელახოს, მაგრამ პრაგმატულად, რაციონალურად. ბრძოლა უნდა მოვიგოთ მშვიდობით - ამის შესახებ საპარლამენტო უმრავლესობის ლიდერმა, მამუკა მდინარაძემ „ქრონიკის“ ეთერში“ განაცხადა.

მისი თქმით, ეს არის მთავარი ბერკეტი, რომლითაც ქვეყანამ ეს ომი უნდა მოიგოს. „დეოკუპაცია უნდა მოახდინოს და როდესაც დეოკუპაციის სამშვიდობო პოლიტიკაზე ერთხმად ჩვენ და დასავლელი მეგობრები ვსაუბრობთ, ეს იმას ნიშნავს, რომ ეს არის ერთადერთი სწორი გზა და ამ სწორ გზაზე რაციონალურად, განვითარებით და მშვიდად სიარული მოგვიტანს შედეგს. ამ გზით ჩვენ უნდა დავიბრუნოთ ჩვენი ტერიტორიები. ჩვენს აფხაზ და ოს დებს უნდა ვუთხრათ, რომ განვითარება და მშვიდობა არის ერთადერთი გზა მათთან ურთიერთობისა და დარწმუნებული ვარ, ჩემი, თქვენი და ჩვენი ქვეყნის მოქალაქეები და შვილები იცხოვრებენ გაერთიანებულ საქართველოში, სადაც დეოკუპაციის პრობლემა აღარ იქნება და ერთიანი საქართველო იქნება ევროპული ოჯახის სრულფასოვანი ნაწილი და წევრი. ეს არის გზა, რომელზეც უნდა ვიაროთ“- განაცხადა მამუკა მდინარაძემ.

სტატიების ნახვა შეგიძლიათ რუბრიკაში "ყველა სტატია"

ყველა ახალი ამბის ნახვა შეგიძლიათ ამ ბმულზე

საინტერესო ვიდეოები შეგიძლიათ იხილოთ რუბრიკაში "ყველა ვიდეო"

ბოლო ამბების ნახვა შეგიძლიათ ამ ბმულზე

ლიცენზია
დატოვე კომენტარიკომენტარები (0)
ჩაწერა სახელი

Copyright © 2006-2020 by Resonance ltd. . All rights reserved
×