რეზონანსი
08.08.2020

რუსეთი ყოველთვის იცავდა და დაიცავს მოსაზღვრე სახელმწიფოების მშვიდობასა და სტაბილურობას, - ამის შესახებ რუსეთის უშიშროების საბჭოს მდივნის მოადგილემ, რუსეთის ყოფილმა პრეზიდენტმა და პრემიერ-მინისტრმა დიმიტრი მედვედევმა განაცხადა, რითაც ის რუსეთ-საქართველოს აგვისტოს ომის 12 წლისთავს გამოეხმაურა.

„დღეს 12 წელი გავიდა მას შემდეგ, რაც ჩვენმა ქვეყანამ საქართველოს მაშინდელი პრეზიდენტის კრიმინალურ ქცევას უპასუხა. უპასუხა ნაძირლების მოქმედებებს, რომლებმაც სამშვიდობოების, დაუცველი მოხუცებისა და ბავშვების წინააღმდეგ ცეცხლის გახსნის ბრძანება გასცეს,"- წერს მედვედევი სოციალურ ქსელ „ფეისბუქში".

მისი მტკიცებით, რუსეთმა აფხაზეთი და ე.წ. „სამხრეთ ოსეთი" აგრესიისგან დაიცვა.

„ფაქტობრივად, ეს რუსეთისთვის ომის გამოცხადებას ნიშნავდა. აი, რატომ მივიღე ძალიან რთული, მაგრამ ერთადერთი შესაძლო გადაწყვეტილება - დამეცვა აფხაზეთი და სამხრეთ ოსეთი აგრესიისგან, შემდეგ კი, მათი მოქალაქეების მოთხოვნის თანახმად, მათი სრული დამოუკიდებლობა მეღიარებინა. წინააღმდეგ შემთხვევაში სამხრეთ კავკასია გადაიქცეოდა დენთის კასრად, რაც რუსეთისთვის სრულიად მიუღებელი იყო,"- წერს მედვედევი.

მისივე თქმით რუსეთი მოსაზღვრე სახელმწიფოების მშვიდობასა და სტაბილურობას იცავდა და მომავალშიც დაიცავს.

„ჩვენი ყოველი მოქმედება და გადაწყვეტილება ამ ერთადერთი წრფელი სურვილით არის ნაკარნახევი. გარდა ამისა, ყველასთვის გასაგები უნდა იყოს, რომ რუსეთი არასდროს დაუშვებს საკუთარ მოქალაქეებზე თავდასხმას, სადაც არ უნდა მოხდეს ეს. ჩვენი პასუხი ყოველთვის ადეკვატური იქნება იმისთვის, რომ დავიცვათ სტაბილურობა და უსაფრთხოება როგორც ჩვენს ქვეყანაში, ასევე მთელ მსოფლიოში,"- განაცხადა მედვედევმა.

სტატიების ნახვა შეგიძლიათ რუბრიკაში "ყველა სტატია"

ყველა ახალი ამბის ნახვა შეგიძლიათ ამ ბმულზე

საინტერესო ვიდეოები შეგიძლიათ იხილოთ რუბრიკაში "ყველა ვიდეო"

ბოლო ამბების ნახვა შეგიძლიათ ამ ბმულზე

ლიცენზია
დატოვე კომენტარიკომენტარები (2)
ჩაწერა სახელი
ჭორლეონე   (08.08.2020)
დაგვიბრუნე მიწები ჩემო დიმიტრი, ხომ ხედავ ხიხოს მთავრობას ჩახდილი აქვთ და ყველას დაუნდობლად აბახებთ შენ და ვალოდია, მეტი რაღა ქნან, თუ თქვენი სურვილი იქნება ცოლებსაც დაგატყვნევინებენ, ლიჟბი არ გაბრაზდეთ.

***   (08.08.2020)
კაია, საღამოს გაიმეორებს კობახიძე ამას, შესწორებები შეაქვს ჯუჯას ქართველი პოლიტ-შლიუხების ლექსიკაში


Copyright © 2006-2020 by Resonance ltd. . All rights reserved
×