რეზონანსი
02.08.2020

ეპიდემილიოგიური ვითარების გამო ჯანდაცვის მსოფლიო ორგანიზაციამ საერთაშორისო საგანგებო მდგომარეობა სამი თვით გაახანგრძლივა.

კორონავირუსის გავრცელების სტატისტიკა კვლავ მზარდია ავსტრალიაში. პანდემიის გამო ავსტრალიის ხელისუფლებამ ვიქტორიას შტატი კატასტროფის ზონად გამოაცხადა და მელბურნში "კომენდანტის საათი" აამოქმედა.

ბოლო 24 საათში კორონავირუსის 49 ახალი შემთხვევა დადასტურდა ჩინეთში. ახალი შემთხვევებიდან 33 შიდა გადაცემის შედეგია.

იაპონიაში კი, ერთ დღეში ვირუსი 1,600-მდე ადამიანს დაუდგინდა. ინფიცირების მაჩვენებელი იზრდება ინდოეთშიც, სადაც დაავადებულთა რიცხვი ბოლო 24 საათში 50 ათასით გაიზარდა. ინფიცირებულებს შორის ქვეყნის შინაგან საქმეთა მინისტრია.

ის კლინიკაშია გადაყვანილი. კორონავირუსის შემთხვევების ზრდის ტენდენცია ნარჩუნდება საქართველოს მეზობელ სახელმწიფოებშიც.

მხოლოდ რუსეთში, ბოლო 24 საათის განმავლობაში, ვირუსის 6 ათასამდე შემთხვევა გამოვლინდა, სომხეთში კი - 209.

აზერბაიჯანში ეს მონაცემი - 279-ს, უკრაინაში 1,112-ს შეადგენს. რაც შეეხება თურქეთს, დღე-ღამეში ქვეყანაში კორონავირუსი ათასამდე პაციენტს დაუდგინდა.

სტატიების ნახვა შეგიძლიათ რუბრიკაში "ყველა სტატია"

ყველა ახალი ამბის ნახვა შეგიძლიათ ამ ბმულზე

საინტერესო ვიდეოები შეგიძლიათ იხილოთ რუბრიკაში "ყველა ვიდეო"

ბოლო ამბების ნახვა შეგიძლიათ ამ ბმულზე

ლიცენზია
დატოვე კომენტარიკომენტარები (0)
ჩაწერა სახელი

Copyright © 2006-2020 by Resonance ltd. . All rights reserved
×