რეზონანსი
01.08.2020

საქართველოს საავტომობილო გზების დეპარტამენტის ინფორმაციით, ონში 11 სოფლის ელექტრომომარაგება უკვე აღდგენილია და დაზიანებულ უბნებზე მუშაობა გრძელდება. ელექტროგადამცემი სისტემების საბოლოო გამართვამდე, „ენერგო პრო ჯორჯიას“ სპეციალისტები რამდენიმე სოფლისთვის ელექტროენერგიის გარკვეული პერიოდულობით გენერატორების საშუალებით მიწოდების უზრუნველსაყოფად მუშაობენ.

სტიქიის ზონაში სრულად არის აღდგენილი მაგთის კავშირგაბმულობა. შინაგან საქმეთა სამინიატროს ვერტმფრენებით გრძელდება როგორც გარესამყაროს მოწყვეტილი სოფლებიდან ონში წამოსვლის მსურველთა გადმოყვანა, ისე დარჩენილი მოსახლეობისათვის სურსათისა და სხვა საჭირო ნივთების მიწოდება.

დღეს შესრულებული ცხრა რეისით სოფლებიდან ონში 80-მდე ადამიანია გადმოყვანილი.

საქართველოს რეგიონული განვითარებისა და ინფრასტრუქტურის სამინისტროს, საავტომობილო გზების დეპარტამენტის, გაერთიანებული წყალმომარაგების კომპანიის, „ენერგო პრო ჯორჯიას“ , შინაგან საქმეთა სამინისტროს, საგანგებო სიტუაციების მართვის სამსახურისა და ადგილობრივი ხელისუფლების წარმომადგენლები სტიქიის ზონაში მუშაობას განაგრძობენ.

სტატიების ნახვა შეგიძლიათ რუბრიკაში "ყველა სტატია"

ყველა ახალი ამბის ნახვა შეგიძლიათ ამ ბმულზე

საინტერესო ვიდეოები შეგიძლიათ იხილოთ რუბრიკაში "ყველა ვიდეო"

ბოლო ამბების ნახვა შეგიძლიათ ამ ბმულზე

ლიცენზია
დატოვე კომენტარიკომენტარები (0)
ჩაწერა სახელი

Copyright © 2006-2020 by Resonance ltd. . All rights reserved
×