რეზონანსი
16.07.2020

ქრონიკული დაავადებების სამკურნალო მედიკამენტებით უზრუნველყოფის სახელმწიფო პროგრამის ფარგლებში, მედიკამენტების შეძენისთვის ბენეფიციარებს სოციალური მომსახურების სააგენტოში გამოცხადება და ერთჯერადი რეგისტრაციის გავლა აღარ სჭირდებათ. სიახლე უკვე ძალაშია და შედეგად, მოქალაქეებს წამლების მიღება ექიმის მიერ ელექტრონული რეცეპტის გამოწერის შემდეგ შეუძლიათ. მანამდე არსებული პრაქტიკით, პროგრამით სარგებლობისთვის, მოქალაქეს უნდა მიემართა სოციალური მომსახურების სააგენტოს ტერიტორიული ერთეულისთვის და გაევლო ერთჯერადი რეგისტრაცია. ამისთვის აუცილებელი იყო ფორმა-100-ის წარდგენა. მხოლოდ რეგისტრაციის შემდეგ შეეძლო ბენეფიციარს აფთიაქში მედიკამენტის შეძენა.

ამასთან, მიმდინარე წლიდან შეიცვალა აღნიშნული პროგრამის მოდელი და მოხდა საყოველთაო ჯანდაცვაში მისი ინტეგრაცია. როგორც ჯანდაცვის სამინისტროში აცხადებენ, ახალი მოდელის პირობებში, მედიკამენტი უფრო მეტი აფთიაქიდან გაიცემა და მიწოდებაშიც წყვეტა არ იქნება.

როგორც ჯანდაცვის დეპარტამენტის პროგრამების სამმართველოს უფროსმა, ეკა ადამიამ საქართველოს პირველ არხს განუმარტა, ახალი მოდელის პირობებში აფთიაქი თავად ხდება ვალდებული, უზრუნველყოს მედიკამენტის მიწოდება ბენეფიციარისთვის, რაც პროგრამის ადმინისტრირებას გაამარტივებს და წამლის დეფიციტი აღარ შეიქმნება, რაც წინა მოდელის შემთხვევაში ხდებოდა.

ყველა ახალი ამბის ნახვა შეგიძლიათ ამ ბმულზე

საინტერესო ვიდეოები შეგიძლიათ იხილოთ რუბრიკაში "ყველა ვიდეო"

ბოლო ამბების ნახვა შეგიძლიათ ამ ბმულზე

ლიცენზია
დატოვე კომენტარიკომენტარები (0)
ჩაწერა სახელი

Copyright © 2006-2020 by Resonance ltd. . All rights reserved
×