ია აბულაშვილი
04.06.2020

წმინდა კვირიკესა და წმინდა ივლიტას სახელობის ეკლესია, რომელიც სვანეთში, სოფელ კალაში მდებარეობს, მე-10 საუკუნით თარიღდება. ეკლესია მოხატულია კვირიკესა და ივლიტას ცხოვრების სცენებით. კედელზე ასომთავრული წარწერა კი გვამცნობს, რომ ეკლესია მოუხატავს 1112 წელს ქართველ მხატვარ თევდორეს.

ია აბულაშვილი
03.06.2020

მოწამეთას სამონატსრო კომპლექსი, რომელიც ქართული ხუროთმოძღვრების ერთ-ერთი უნიკალური ძეგლია, ქუთაისიდან 6 კილომეტრში, სოფელ მოწამეთას ახლოს მდებარეობს. მონასტერი გალავნით არის შემორტყმული და დგას კლდოვან-ტყიან მთაზე. აქ ადრე ციხე-ქალაქი ყოფილა, სადაც იდგა ხარების ეკლესია, რომელიც 735-737 წლებში მურვან ყრუმ დაანგრია. მოწამეთას მონასტრის დაარსების ისტორია არგვეთის მთავრების დავით და კონსტანტინე მხეიძეების სახელს უკავშირდება. ძმებმა მურვან ყრუს ლაშქარს დიდი წინააღმდეგობა გაუწიეს და მოწამებრივად აღესრულნენ. დავითი და კონსტანტინე დაკრძალეს ხარების დანგრეული ეკლესიის აკლდამაში. მე-11 საუკუნეში მეფე ბაგრატ მეოთხემ აქ მონასტერი ააგო და წმინდანები გადმოასვენა. ამ ადგილს კი მოწამეთა ეწოდა.

ია აბულაშვილი
02.06.2020

„აშურიანის ზევით არს უფლისციხე, კუერნაქის გადმოკიდებულის კლდის გორასა ზედა. მტკუარის კიდესა - შენობა უცხო, კლდისაგან გამოკუეთილი, პალატნი დიდ-დიდნი, ქანდაკებულნი კლდისაგანვე. დასავლეთით აქუს ქარაფი მაღალი. მას შინა გამოკუეთილნი ქუაბნი მრავალნი აწ შეუვალი“ - ასე აღწერს ვახუშტი ბატონიშვილი კლდეში ნაკვეთ ქალაქს - უფლისციხეს, რომელიც წერილობით წყაროებში პირველად მე-6 საუკუნეში იხსენიება.

ია აბულაშვილი
31.05.2020

ქართულ ეკლესიებში დაცული იყო უძველესი საგანძური, რომლის უდიდესი ნაწილი სხვადასხვა დროს საქართველოდან გაიტანეს და დღეს მსოფლიოს უდიდეს მუზეუმებს ამშვენებს. ასეთ ეკლესიებს შორის არის ჯუმათის მიქაელ და გაბრიელ მთავარანგელოზების სახელობის მონასტერი, რომელიც გურიაში, ოზურგეთის რაიონში, მდებარეობს. ტაძარი ოდითგანვე ცნობილი იყო თავისი სიძველეებითა და უძვირფასესი ხატებით, რომლებიც არა მხოლოდ ხელოვნების ნიმუშებით იყო მნიშვნელოვანი, არამედ ისტორიულ პირთა გამოსახულებებითა და კონკრეტული თარიღების შემცველი წარწერებით.

ია აბულაშვილი
29.05.2020

ჯუმათის მონასტერი, რომელიც ოზურგეთში, სოფელ ძირიჯუმათში, სერზე მდებარეობს, მთელი კოლხეთის დაბლობს და პალიასტომის ტბას გადაჰყურებს. მონასტერი მიქაელ და გაბრიელ მთავარნაგელოზების სახელზეა აგებული, თუმცა ზუსტი ცნობები როდის აიგო ეს ეკლესია, უცნობია. მონასტერში დღესაც შემორჩენილია მე-14 საუკუნის ფრესკები.

ია აბულაშვილი
28.05.2020

აღდგომიდან მე-40 დღეს მართლმადიდებელი ეკლესია მაცხოვრის ამაღლებას ზეიმობს. ამაღლების დღესაწაული ქრისტიანულ ეკლესიებში მე-4 მე-5 საუკუნიდან აღინიშნება. წმინდა სახარების მიხედვით, ბრწყინვალე აღდგომიდან 40 დღის განმავლობაში ქრისტე თავის მოწაფეებს ეცხადებოდა და ღვთის სასუფეველის შესახებ მოუთხრობდა.

ია აბულაშვილი
27.05.2020

რაჭაში სოფელ მრავალძალთან, ჭოლევის კლდესთან, "ჭიქის ტბის" ზემოთ ოდითგანვე იგდა ტაძარი, რომლის აგებაც ბაგრატ მესამის სახელს უკავშირდება 1010 წელს და თავიდანვე წმინდა გიორგის სახელობის იყო. მე-11 საუკუნის ქართული ხურთომოძვრების ეს უნიკალური ძეგლი გამირჩეოდა იშვიათი ფრესკებითა და ბარელიეფებით. ტაძრის აღმოსავლეთ ფასადზე, სარკმლის ორივე მხარეს გამოსახული იყო წმინდა მეომართა რელიეფები, მარჯვნივ წმინდა გიორგი, მარცხნივ კი წმინდა თევდორე,რომელიც გველეშაპს განგმირავს. ორივეს ზეაღმართული აქვს ხელები, ცალ ხელში უპყრიათ ჯვარი დაგვირგვინებლი შუბით. თავზე ადგათ შარავანდედი, წმინდა გიორგის თავზე გამოსახულია ასევე "ჯვარცმა", მაცხოვრის დიდი ზომის ფიგურა, რომლის ორივე მხარეს, ღვთისმშობლი და იოანე ღმრთისმეტყველია გამოსახული, ორი მფრინავი ანგელოზით. ჯვარცმის კომპოზიციის ქვემოთ გამოსახულია ადამის დიდი ზომის თავი, რომელსაც თავზე პალმის ორი დიდი ფოთოლი აქვს გადმოხრილი. ტაძრის კონქოში გამოსახული იყო ვედრების სცენა, ტახტზე დაბრძანებული მაცხოვარი, მარცხენა მუხლზე გაშლილი სახარებით. მის მარჯვნივ გამოსახული იყო ღვთისმშობელი, მარცხნივ იოანე ნათლისმცემელი.

ია აბულაშვილი
27.05.2020

რაჭაში სოფელ მრავალძალთან, ჭოლევის კლდესთან, "ჭიქის ტბის" ზემოთ ოდითგანვე იგდა ტაძარი, რომლის აგებაც ბაგრატ მესამის სახელს უკავშირდება 1010 წელს და თავიდანვე წმინდა გიორგის სახელობის იყო. მე-11 საუკუნის ქართული ხურთომოძვრების ეს უნიკალური ძეგლი გამირჩეოდა იშვიათი ფრესკებითა და ბარელიეფებით. ტაძრის აღმოსავლეთ ფასადზე, სარკმლის ორივე მხარეს გამოსახული იყო წმინდა მეომართა რელიეფები, მარჯვნივ წმინდა გიორგი, მარცხნივ კი წმინდა თევდორე,რომელიც გველეშაპს განგმირავს. ორივეს ზეაღმართული აქვს ხელები, ცალ ხელში უპყრიათ ჯვარი დაგვირგვინებლი შუბით. თავზე ადგათ შარავანდედი, წმინდა გიორგის თავზე გამოსახულია ასევე "ჯვარცმა", მაცხოვრის დიდი ზომის ფიგურა, რომლის ორივე მხარეს, ღვთისმშობლი და იოანე ღმრთისმეტყველია გამოსახული, ორი მფრინავი ანგელოზით. ჯვარცმის კომპოზიციის ქვემოთ გამოსახულია ადამის დიდი ზომის თავი, რომელსაც თავზე პალმის ორი დიდი ფოთოლი აქვს გადმოხრილი. ტაძრის კონქოში გამოსახული იყო ვედრების სცენა, ტახტზე დაბრძანებული მაცხოვარი, მარცხენა მუხლზე გაშლილი სახარებით. მის მარჯვნივ გამოსახული იყო ღვთისმშობელი, მარცხნივ იოანე ნათლისმცემელი.

ია აბულაშვილი
26.05.2020

ნუნისის ღვთისმშობლის შობის სახელობის ეკლესია, რომელიც მე-9-მე-10 საუკუნეებით თარიღდება, მდებარეობს სოფელ ნუნისში, რომელიც ოდითგანვე ცნობილი იყო სამკურნალო თვისებების მქონე მინერალური წყლებით. ადგილობრივი მოსახლეობა კანის დაავადებას - მუნს ამ წყლით მკურნალობდა და სოფლის დასახელებაც ამას უკავშირდება.

ია აბულაშვილი
25.05.2020

ძველი ქართული წერილობითი წყაროების მიხედვით, კვიპროსზე ჯერ კიდევ მე-10 საუკუნეში არსებობდა რამდენიმე ქართული მონასტერი, რისი დასტურიცაა ძველი ქართული ხელნაწერი, რომელიც ამჟამად სანკტ-პეტერბურგის აღმოსავლეთმცოდნეობის ინსტიტუტშია დაცული.

ია აბულაშვილი
24.05.2020

გორისფერდის ეკლესია, რომელიც შუა საუკუნეების ქართული ხუროთმოძღვრების ძეგლია, წმინდა გიორგის სახელზე აუგიათ. იგი მდებარეობს გურიაში, სოფელ შემოქმედთან ახლოს, მაღალ ბორცვზე, თუმცა დღეს მისგან მხოლოდ ნანგრევებია შემორჩენილი.

ია აბულაშვილი
22.05.2020

ყველაწმინდა ღვთისმშობლის მიძინების ტაძარი, რომელიც გურჯაანის მახლობლად ტყეშია აგებული, ერთადერთი ორგუმბათიანი ეკლესიაა საქართველოში, რომელიც მე-8 მე-9 საუკუნებით თარიღდება და დღეს ეროვნული მნიშვნელობის კულტურის უძრავი ძეგლის კატეგორია აქვს მინიჭებული. ვახუშტი ბატონიშვილის ცნობით, ეს ტაძარი თამარ მეფის დროიდან ენისელ მოურავთა მფლობელობაში იყო.


Copyright © 2006-2021 by Resonance ltd. . All rights reserved
×

sesionArray ( [s_logi] => rezoni_index )
cookieArray ( )