ია აბულაშვილი
19.06.2020

"ვარძიის ზემოთ, ჰრამის თავს სამღერთს, მტკვარს მოერთვის ერუშეთს მდინარე, ამ წყალზედ არს, სამღერთის დასავლით, ნაქალაქევი, სადაცა იყო ქალაქი, და ან არს დაბა. აქ აღაშენა ეკლესია გუმბათიანი, შუენიერით წარმოგზავნილმან დიდის კონსტანტინესამან, წარსაგებელთა კეისრისათა, რომელნი მოვიდნენ მირიან მეფისა თანა, და დაასვენეს მას სამსჭუალი ქრისტეს უფლისა. იჯდა ეპისკოპოზი, მწყემსი ერუშეთისა და არტაანისა, ანცა არს ეკლესია დაურღვეველი, არამედ ცალიერი," - ასე აღწერს ერუშეთის ეკლესიას ვახუშტი ბატონიშვილი "აღწერაი საჩინოთა ადგილითა სამცხე-საათაბაგოსი".

ია აბულაშვილი
18.06.2020

უბისისის წმინდა გიორგის სახელობის ტაძარი, რომლის სიტორია მე-9 საუკუნიდან იწყება, გრიგოლ ხანძთელის სახელთან არის დაკავშირებული. გიორგი მერჩულე უბისიის ეკლესიის დაარსების შესახებ მოგვითხრობს თავის თხზულებაში: "მაშინ მამამან გრიგოლ სარწმუნოებისა მეფისა, აღაშენა მონასტერი და უწოდა უბეი".

ია აბულაშვილი
17.06.2020

საქართველოს ეკლესიებში მრავალი სიწმინდეა დაცული და მათ შორის ერთ-ერთი გამორჩეული იესო ქრისტეს სამსჭვალებია (ლურსმნები), რომლითაც იესო ქრისტე ჯვარზე გააკრეს. ოთხი ლურსმნიდან ორი საქართველოში იყო ჩამობრძანებული, რასაც ადასტურებს ლეონტი მროველი თავის თხზულებაში: მე-4 საუკუნეში 4 სამსჭვალიდან ორი საქართველოში გამოუგზავნა ბიზანტიის იმპერატორმა კონსტანტინე დიდმა ახლად გაქრისტიანებულ მეფე მირიანს.

ია აბულაშვილი
16.06.2020

ოთხთა სამონასტრო კომპლექსი, რომელიც თურქეთში, ართვინის პროვინციაში მდებარეობს, მე-10 საუკუნით თარიღდება. ისტორიულ ტაო-კლარჯეთში არსებული ქართული ეკლესიების ოშკის, ხახულის და იშხანის შემდეგ, ოთხთა მეოთხე დიდი ტაძარი იყო და ეს სახელი ამიტომ დაარქვეს.

ია აბულაშვილი
15.06.2020

შუა საუკუნეების ქართული მართლმადიდებულური ეკლესია დოლისყანა, რომელიც ისტორიულ კლარჯეთში, დღევანდელი თურქეთის ტერიტორიაზე, არვითნის პროვინციაში მდებარეობს, მისი აშენების ზუსტი თარიღი უცნობია, თუმცა, მეცნიერთა აზრით, მე-10 საუკუნეში ამ ტერიტორიაზე ტაძარი უკვე იდგა.

ია აბულაშვილი
14.06.2020

გურიაში, სოფელ ერკეთში მდებარე ერკეთის დედათა მონასტერში, რომელიც აგებულია მე-9 საუკუნეში, მიქაელ და გაბრიელ მთავარანგელოზთა სახელზე, მრავალი სიწმინდე ინახებოდა. ტაძრის ძვირფასეულობა კი სასწაულებრივად გადარჩა, რომელიც 1905 წელს ერთ-ერთ მღვდელმსახურს იატაკის ქვეშ დაუმალავს, რათა ეს ძვირფასეულობა გურიაში ალიხანოვ-ავარსკის მეთაურობით შემოჭრილი რუსული არმიის საეგზეკუციო შენაერთების დარბევისგან ეხსნა.

ია აბულაშვილი
12.06.2020

საქართველოში ლომისას რამდენიმე ეკლესია არსებობს, მაგრამ ყველაზე უძველესი არის მთიულეთში, მლეთაში მდებარე წმინდა გიორგის ეკლესია, რომელიც მე-9 საუკუნით თარიღდება. ლომისა წინაქრისტიანული ღვთაება იყო. გადმოცემის თანახმად, მისი სახელი ლომა ხარს უკავშირდება.

ია აბულაშვილი
10.06.2020

საქართველოს ეკლესიებში დაცული საგანძურის შესახებ ფასდაუდებელ ცნობებს გვაწვდის ქართული სიგელ-გურჯები, მათ შორის გამორჩეულია 1546 წლის 4 თებერვალით დათარიღებული სიგელ-გურჯი "სვეტიცხოვლის განძეულობის ნუსხა".

ია აბულაშვილი
09.06.2020

დავით გარეჯის უდაბნოს საკვირველმოქმედი მადლის ქვის შესახებ, რომელიც დავით გარეჯელმა იერუსალიმიდან ჩამოიტანა, არაერთი ლეგენდა არსებობს. ერთ-ერთი ლეგენდის თანახმად, მამა დავითმა, როგორც კი უდაბნოს მღვიმის აგება დაასრულა, თავისი სანუკვარი ოცნების ასრულება გადაწყვიტა - მოელოცა იერუსალმის სიწმინდეები.

ია აბულაშვილი
08.06.2020

ათონის მთაზე სადაც 20 მონასტერია, მათ შორის გამორჩეულია ქართული ხუროთმოძვრების უძველესი ძეგლი ივერთა მონასტერი. ქართველებს ტაძარი იმ ადგილას აუგიათ, სადაც კვიპროსში მიმავალმა ღვთისმშობელმა პირველად დაადგა ფეხი. ათონის მთაზე ინახება ძველი ხატი, რომელზედაც ჩანს რომ სწორედ ივერთა მონასტრიდან ადის კიბე ზეცაში ყოვლადწმინდა ღვთისმშობლამდე.

ია აბულაშვილი
07.06.2020

 მარტყოფის ღვთაების მონასტერი, რომელიც სოფელ მარტყოფში მდებარეობს, მე-6 საუკუნეში, 13 ასურელ მამათაგან ერთ-ერთმა მამა ანტონ მარტყოფელმა დაარსა. ქართული წერილობითი წყაროების მიხედვით მე-6 საუკუნემდე ამ ადგილს აკრიანი-ქვიანი ადგილი ერქვა და იდგა ტაძარი, რომელიც ჯერ კიდევ ვახტანგ გიორგასალს აუშენებია.

ია აბულაშვილი
05.06.2020

ქართული ხუროთმოძღვრების უძველესი ძეგლი ნიკორწმინდა, რომელიც რაჭაში, სოფელ ნიკორწმინდაში მდებარებს, მე-11 საუკუნის დასაწყისშია აგებული. ტაძარს პირვანდელი სახე დღესაც აქვს შემორჩენილი, რაც იშვიათი მოვლენაა ქართული ეკლესიების ისტორიაში. ტაძრის უნიკალურობაზე მიანიშნებდნენ ჯერ კიდევ შუა საუკუნეებში უცხოელი მოგზაურები.


Copyright © 2006-2021 by Resonance ltd. . All rights reserved
×

sesionArray ( [s_logi] => rezoni_index )
cookieArray ( )