ია აბულაშვილი
03.05.2020

შუა საუკუნეების ქართული ხუროთმოძღვრების ძეგლი დათუნას ეკლესია, რომელიც დაღესტანში, შამილის რაიონის სოფელ დათუნასთან მდებარეობს, მე-10 საუკუნის ბოლოს და მე-11 საუკუნის დასაწყისში აუგიათ. ერთი ვერსიით, მისი აგება დავით აღმაშენებლის სახელს  უკავშირდება, ხოლო მეორე ვერსიით - ქართველ მისიონერებს. 

შამილის მდივან ჰაჯი-ალი ჭუხელის ცნობით, ქართველებს ყაჰიბის ხეობაში (კვირაცხოვლობის ქვაბული) თლილი ქვის ეკლესია აუგიათ. არაბი ისტორიკოსის - იბნ-რუსტეს ცნობით კი, გიმრიში (ხუნძური) მე-10 საუკუნეში ქრისტიანი მეფე იჯდა. არქეოლოგიური გათხრების შედეგად ხუნძურში ასევე აღმოჩენილია ქართულწარწერიანი ქვის ჯვარი.

დათუნას ეკლესია ქართული უგუმბათო, დარბაზული ტიპის ეკლესიაა. აგებულია მოოქროსფრო-მოყვითალო ქვისგან. მისი სიგრძე 9 მეტრია. ნაგებობის ერთ მხარეს კელიებია განთავსებული, რაც სამონასტრო ცხოვრებაზე მიუთითებს.

ტაძარში ქართულად წირვა მე-13 საუკუნის ბოლომდე აღევლინებოდა, შემოსევების შედეგად კი ნახევრად დანგრეულა.  მე-19 საუკუნეში, კავკასიის ომის დროს, იმამ შამილის მხარეს  გადასულ რუს ჯარისკაცებს გადაეცა იგი ღვთისმსახურებისთვის.

გასულ წელს დათუნას ეკლესიაში აღმოაჩინეს მე-6 საუკუნით დათარიღებული ქართული ხელნაწერი-სახარება, რომელიც ასომთავრულით არის შესრულებული. ქართული ხელნაწერი არაბული ხელნაწერის ქვეშ იყო მოქცეული.

სტატიების ნახვა შეგიძლიათ რუბრიკაში "ყველა სტატია"

ყველა ახალი ამბის ნახვა შეგიძლიათ ამ ბმულზე

საინტერესო ვიდეოები შეგიძლიათ იხილოთ რუბრიკაში "ყველა ვიდეო"

ბოლო ამბების ნახვა შეგიძლიათ ამ ბმულზე

ლიცენზია
დატოვე კომენტარიკომენტარები (0)
ჩაწერა სახელი

Copyright © 2006-2020 by Resonance ltd. . All rights reserved
×