სახელი*
    ელ–ფოსტა
    წერილის ტექსტი*
    საკონტროლო კოდი* კოდის განახლება
    გაგზავნა
    ელზა წიკლაური
    11.08.2011

    მსოფლიო ფინანსური კრიზისის მეორე ტალღის საშიშროების წინაშე დგას. საკრედიტო სააგენტო "სტანდარტ ენდ ფურ"-ის მიერ ამერიკის რეიტინგის ერთი საფეხურით შემცირებას ევროპისა და აზიის საფონდო ბირჟებზე აქციების მკვეთრი დაცემა მოჰყვა. "შავი სამშაბათი" გაუთენდა გუშინ რუსულ საფონდო ბირჟებსაც. ამასთან, შემცირდა ნავთობის ფასიც, ნიუ იორკში 1 ბარელი "შავი ოქრო" გუშინ უკვე 81 დოლარი ღირდა. მსოფლიო ბაზრებზე მიმდინარე პროცესები უკვე შეადარეს 2008 წლის კრიზისს. ამასთან, შტატების ბიუჯეტის დეფიციტი და სახელმწიფო ვალის დონე ორი მსოფლიო ომის პერიოდის მაჩვენებლებს უტოლდება.

    მარი ჩიტაია
    07.08.2011

    მსოფლიო ბაზრებზე ნავთობის ფასი კლებას განაგრძობს. ტენდენცია ბოლო რამდენიმე დღეა, გრძელდება. გაიაფების მთავარ მიზეზად ამერიკაში საწვავზე მოთხოვნის შემცირება ფიქსირდება, რაც ამ ქვეყნის ეკონომიკის შესუსტებითაა გამოწვეული.

    ელზა წიკლაური
    04.08.2011

      "საქართველოს ეკონომიკის 2011 წლის მთავარი გამოწვევა - ინფლაცია დაძლეულია! წლის განმავლობაში იგი 8%-მდე, ხოლო 2012 წლის დასაწყისისთვის, შესაძლოა, მიზნობრივ დონესაც კი ჩამოსცდეს, რომელიც 2011-13 წლებში 6%-ითაა განსაზღვრული, - ასეთი შინაარსის განცხადებებს მთავრობა და ეროვნული ბანკი ერთდროულად თითქმის ყოველთვიურად აკეთებენ. შესაბამისად, არ აყოვნებს არც სტატისტიკის ეროვნული სამსახური და უკვე რამდენიმე თვეა, ზედიზედ დეფლაციას აფიქსირებს. ოფიციალური მონაცემებით, ივლისშიც ივნისთან შედარებით, ინფლაცია 1,6%-ით შემცირდა, წლიური მაჩვენებელი კი 8,5%-ით განისაზღვრა.

    მარი ჩიტაია
    04.08.2011

    ახალი, პზკთ სისტემის სალარო აპარატების შემოღებას საზოგადოების მხრიდან არაერთგვაროვანი შეფასებები ახლავს. ექსპერტთა ერთი ნაწილი მას საგადასახადო კულტურის გასაძლიერებლად მიმართულ ღონისძიებად აფასებს და აცხადებს, რომ ბიზნესის მომავლისთვის კარგი ნაბიჯი გადაიდგა. თუმცა, ეს მედლის მხოლოდ ერთი მხარეა. ექსპერტთა მეორე ნაწილი თვლის, რომ თანამედროვე ტიპის სალარო აპარატის შემოღება და მასთან დაკავშირებული ხარჯი საბოლოოდ მომხმარებლის ჯიბეზე ჰპოვებს ასახვას.

    მარი ჩიტაია
    03.08.2011

    დედაქალაქის ქსოვილების მაღაზიებში მყიდველის დეფიციტზე საუბრობენ. ამის მიზეზად ქსოვილების ბიზნესის წარმომადგენლები სამკერვალო მომსახურების მაღალ ტარიფებს ასახელებენ. მათი თქმით, მომხმარებელს ქსოვილისა და ცალკე კერვის ფასის გადახდა უჭირს და მზა ნაწარმის ყიდვას არჩევს.

    მარი ჩიტაია
    31.07.2011

    წლეულს ქართული ჩაის მოსავალი 4-5 ათას ტონამდე იქნება. ბოლო რამდენიმე წელია, ჩაის წარმოება ამ მაჩვენებლით განისაზღვრება. არ არის გამორიცხული, მცირე მატება დაფიქსირდეს, მაგრამ არა მნიშვნელოვანი. მოსავლის რაოდენობის მხრივ, საქართველოს ჩაის ასოციაციაში წელს ცვლილებებს არ ელოდებიან. თუმცა, უკვე საუბრობენ პროდუქტის პოტენციალზე და ვარაუდობენ, რომ 2-3 წელიწადში ქართული ჩაი მთლიანი შიდა ბაზრის 30 პროვენტს დაიკავებს. ამ ეტაპზე მისი წილი 10-15 პროცენტს არ აღემატება.

    მაკა ხარაზიშვილი
    31.07.2011

    "სოფლის პროგრამის" ფარგლებში თანხა არამიზნობრივად იხარჯება. "ეკონომიკური პოლიტიკის კვლევის ცენტრის" მიერ ჩატარებული მონიტორინგის მიხედვით, რამდენიმე სოფელში დეკლარირებული სამუშაო საერთოდ არ შესრულებულა. გარდა ამისა, იყო შემთხვევები, როდესაც პროგრამის ფარგლებში გამოყოფილი თანხა ისე დაიხარჯა, რომ პრიორიტეტების განსაზღვრაში მოსახლეობას მონაწილეობა არ მიუღია. არადა, პროგრამის მიზანი იყო სოციალურ-ეკონომიკური საჭიროებების დაფინანსება, ადგილობრივი ინფრასტრუქტურის აღდგენა-რეაბილიტაცია, კეთილმოწყობის სამუშაოების ჩატარება, ასევე ამ პროცესში მოქალაქეების ჩართულობის მხარდაჭერა.

    მაკა ხარაზიშვილი
    31.07.2011

    ფოთის პორტში ტვირთბრუნვის მაჩვენებელი არ იცვლება, ხოლო ბათუმის პორტში ტვირთბრუნვა მცირედით გაიზარდა. ეკონომიკური განვითარების სამინისტროს საერთოდ არ გააჩნია ინფომარცია ქვეყნის უდიდეს პორტებში რა ხდება, როგორია ტვირთბრუნვა ან საერთოდ მუშაობენ თუ არა ისინი. არადა, წინა პერიოდში, სამინისტრო ყოველ კვარტალურად აქვეყნებდა ინფორმაციას პორტებში ტვირთბრუნვის შესახებ.

    მაკა ხარაზიშვილი
    30.07.2011

    პზკთ სალარო აპარატების დარიგება პირველი აგვისტოსთვის ვერ ესწრება. შემოსავლების სამსახურში ჯერჯერობით არ აქვთ ინფორმაცია, რა ეღირება აპარატი, ვინ მიიღებს უფასოდ და საერთოდ შემოვიდა თუ არა ეს აპარატები საქართველოში. არადა, ფინანსთა სამინისტროს ინფორმაციით, მეწარმეების ახალი აპარატებით აღჭურვა პირველი აგვისტოდან უნდა დაწყებულიყო.

    მაკა ხარაზიშვილი
    28.07.2011

    საქართველოში ბელორუსის ტრაქტორები დაბრუნდება. იაპონიის მოიმედე მთავრობა ახლა სატრაქტორო იმედებს ბელორუსზე ამყარებს. საქართველოს პრეზიდენტის მიხეილ სააკაშვილის განცხადებით, პირველ ეტაპზე, ბელორუსიდან 1000 ტრაქტორი შემოვა. მას შემდეგ, რაც საქართველოში სასოფლო-სამეურნეო ტექნიკის კომუნისტური ნარჩენებიც ამოიწურა, გლეხებს მიწის დასამუშავებლად გრძელ რიგში დგომა უწევთ. სოფლის მეურნეობის სამინისტროს ინფორმაციით, ბოლო წლების განმავლობაში საქართველოში 1630 ერთეული სასოფლო-სამეურნეო ტექნიკა შემოვიდა, ყოფილი საბჭოთა კავშირის პერიოდში მიწების დასამუშავებლად ქვეყანაში ყოველწლიურად 3 ათასი ტრაქტორი შემოდიოდა.

    მაკა ხარაზიშვილი
    26.07.2011

    საქართველოს საგარეო სავაჭრო ბრუნვა იზრდება, ასევე იზრდება ექსპორტის მაჩვენებელი, სადაც ლომის წილი ისევ ავტომობილების რეექსპორტს უჭირავს. პარალელურად უარყოფითი სავაჭრო სალდოც მატულობს, რომელმაც წინა წლის იანვარი-ივნისის მაჩვენებელს 32%-ით გადააჭარბა. სასაქონლო ჯგუფებიდან საექსპორტო ათეულში პირველი ადგილი კვლავ მსუბუქმა ავტომობილებმა დაიკავა და 246 მილიონი დოლარი შეადგინა, რაც მთელი ექსპორტის 24 პროცენტია. უმსხვილეს სავაჭრო პარტნიორებად კვლავ თურქეთი, აზერბაიჯანი და უკრაინა რჩება.

    მაკა ხარაზიშვილი
    23.07.2011

    ქართველი პენსიონერების პენსია საშუალო ხელფასის მხოლოდ 14 პროცენტია (1988 წელს - 41 პროცენტი იყო), საარსებო მინიმუმის კი - მხოლოდ 55 პროცენტი. ეს ციფრები მიუთითებენ იმ ყოფაზე, რომელშიც ქართველი პენსიონერები იმყოფებიან. აღსანიშნავია, რომ ყოფილი საბჭოთა ქვეყნებიდან ტაჯიკეთის, თურქმენეთის, ყირგიზეთისა და უზბეკეთის შემდეგ ყველაზე დაბალი პენსია საქართველოშია. ექსპერტების განცხადებით, პოსტსაბჭოთა კავშირის ქვეყნებს შორის ამ ქვეყნების ეკონომიკა ყველაზე მაჩანჩალაა.


    Copyright © 2006-2018 by Resonance ltd. . All rights reserved