სახელი*
    ელ–ფოსტა
    წერილის ტექსტი*
    საკონტროლო კოდი* კოდის განახლება
    გაგზავნა
    მაკა ხარაზიშვილი
    12.08.2010

      საქართველოს ყველაზე სწრაფად ვალები ეზრდება. ექსპერტები მიიჩნევენ, რომ ვალების ზრდის დინამიკა უკვე სახიფათო ხდება. საქართველოს საგარეო ვალი ივლისში მაისთან შედარებით 118,660 მილიონით გაიზარდა.

    მარი ჩიტაია
    12.08.2010

      მთავრობამ ეკონომიკური წინსვლის დასადასტურებლად მორიგი მონაცემები დადო. მთავრობის მიერ გავრცელებულ დოკუმენტში უძრავი ქონების ბაზრის მდგომარეობა სტაბილურად შეფასდა. უძრავი ქონების სააგენტოების მფლობელები ამ მიმართულებით დიდ წინსვლას ვერ ხედავენ, თუმცა ზოგიერთი მათგანი აღნიშნავს, რომ შარშანდელთან შედარებით პროცესი ცოტა გამოცოცხლდა.

    მაკა ხარაზიშვილი
    12.08.2010

      სომხეთი ხორბლის მარაგს იკეთებს. პორტებში სომხეთისთვის განკუთვნილი რამდენიმე გემი ახლაც დგას. "რეზონანსის" წყაროს ინფორმაციით, აკრძალვის მიუხედავად, სომხეთში რუსული ხორბალი მიედინება. "საქართველოს რკინიგზის" სატვირთო გადაზიდვების დირექტორის დავით ჯინჯოლიას განცხადებით, შარშანდელთან შედარებით, სომხეთში ხორბლის გადაზიდვების მოცულობის ზრდის ტენდენცია მართლაც აღინიშნება.

    მაკა ხარაზიშვილი
    07.08.2010

      6 თვეში ეკონომიკის სამინისტრომ 36 მილიონი დოლარის ობიექტები გაყიდა. მომდევნო 6 თვეში სამინისტრომ 134 მილიონი დოლარი უნდა მოაგროვოს, რათა 170-მილიონიანი გეგმა შეასრულოს. შეგახსენებთ, რომ შარშან სამინისტრომ სახელმწიფო ბიუჯეტს პრივატიზაციიდან მხოლოდ 75 მილიონი დოლარი შემატა. სამინისტროში მინისტრების სწრაფი ცვლის ერთ-ერთი მიზეზი სწორედ საპრივატიზაციო-საინვესტიციო ჩავარდნებია.

    ელზა წიკლაური
    07.08.2010

      რუსეთის გადაწყვეტილებამ ხორბლის ექსპორტის დროებით შეწყვეტის შესახებ მსოფლიო ბაზრებზე ფასების მნიშვნელოვანი ზრდა გამოიწვია. ჩიკაგოს ბირჟაზე ერთი ბუშელი ხორბალი 8,15 ამერიკული დოლარი ღირს და გამორიცხული არ არის, რომ წლის ბოლომდე მისმა ფასმა 10 დოლარსაც კი გადააჭარბოს. იმავე ჩიკაგოს ბირჟაზე ერთი ტონა ხორბალი 281 დოლარი ღირს, ანუ დაახლოებით 517 ლარი, ევროპის ბაზრებზე კი მისმა ფასმა 223 ევრო შეადგინა, დაახლოებით, 540 ლარი. ეს ბოლო 23 თვის განმავლობაში ყველაზე მაღალი ფასია.

    მაკა ხარაზიშვილი
    05.08.2010

      მაღალი ძაბვის ელექტროგადამცემი ხაზები ძლიერ სიცხეშიც ზიანდება. ბოლო ორი კვირის განმალობაში მაღალი ტემპერატურის გამო "საქრუსენერგოს" კუთვნილი ხაზი "იმერეთი" გამოირთო, ხოლო შემდეგ საქართველოს სახელმწიფო ელექტროსისტემა. "კოლხიდა". სპეციალისტების განცხადებით, მაღალი სიცხის გამო ხაზები მაშინ გამოდის მწყობრიდან, როდესაც უსაფრთხოების ნორმები არ არის დაცული. კერძოდ, ელექტროგადამცემი ხაზების ქვეშ ხეები არ უნდა იყოს, რათა სიცხის გამო ქვევით დაწეული ხაზი არ დაზიანდეს.

    ელზა წიკლაური
    04.08.2010

    ქვეყანაში ეკონომიკური მდგომარეობა ისევ არასახარბიელოა და უახლოეს მომავალში რომელიმე სექტორის გააქტიურება ნაკლებად სავარაუდოა - ასეთ პროგნოზს აკეთებენ ეკონომიკის ექსპერტები. სამაგიეროდ, ოპტიმისტურადაა განწყობილი პრემიერი გილაური, რომელიც არა თუ ეკონომიკის მომავალს ხედავს ვარდისფერად, არამედ გასულ 6 თვესაც დადებითად აფასებს და მაჩვენებლითაც კმაყოფილია.

    მარიამ ხიდაშელი
    04.08.2010

    ბიუჯეტში 0,8%-იანი გარღვევაა. 6 თვეში სახელმწიფო ბიუჯეტი 99,2% შესრულდა. ივნისში კი სახელმწიფო ბიუჯეტში 118 მილიონი ლარის დეფიციტი დაფიქსირდა. დეფიციტის დაფინანსება ფინანსური აქტივების კლებითა და ვალების გაზრდით მოხდა.

    ელზა წიკლაური
    03.08.2010

    "უცხოელი ინვესტორები სკეპტიკურად არიან განწყობილნი, ვინაიდან არ ესმით საგადასახადო ინსპექციის თანამშრომლების მათდამი მოკირკიტე დამოკიდებულება (უცხოური ინვესტიციების მოცულობაში წლის დასაწყისიდან კლების ტენდენცია შეინიშნება)", - ეს არის საქართველოში საფრანგეთის ელჩის ერიკ ფურნიეს განცხადებიდან ნაწყვეტი, რომელიც გასულ კვირას საელჩოს ოფიციალურ ვებ-გვერდზე გამოქვეყნდა.

    მაკა ხარაზიშვილი
    01.08.2010

      ხორბლის მოსავალთან დაკავშირებით საქართველოში ინფორმაცია არ არსებობს. რა რაოდენობით ხორბალი მოვიდა ქვეყანაში, უცნობია სოფლის მეურნეობის მინისტრისთვისაც. ინფორმაციის მოძიება მხოლოდ ექსპერტებზე დაყრდნობით არის შესაძლებელი, რომლებიც ამბობენ, რომ ხორბლის მოსავლის მასშტაბები საქართველოში ყოველწლიურად მცირდება. წელს 1 ჰექტარზე, საშუალოდ, 900 კილოგრამი ხორბალი მოვიდა, რაც სპეციალისტების განცხადებით, კატასტროფული მაჩვენებელია.

    მაკა ხარაზიშვილი
    31.07.2010

      ვიდრე ახალი საგადასახადო კოდექსი ამოქმედდება, მთავრობამ პარლამენტს სასწრაფო წესით ძველ კოდექსში ცვლილებები დაამტკიცებინა. შესაბამისად, 1-ლი აგვისტოდან ალკოჰოლური სასმელების მწარმოებლები და ჯართის იმპორტიორები აქციზის გადასახადით დაიბეგრებიან. შეიცვალა ქრონომეტრაჟის სისტემაც, დაჯარიმებასთან დაკავშირებით გადაწყვეტილებებს ფინანსთა მინისტრი მიიღებს და ასე შემდეგ. ექსპერტების განცხადებით, ახალი მუხლების მიღება მთავრობას წლის ბოლოსთვის ფისკალური ეფექტის მისაღებად სჭირდებოდა. სამინისტროში განაცხადეს, რომ საგადასახადო ბაზის გაფართოება გაზრდილი ხარჯების დასაფინანსებლად მოხდა.

    წერილი
    31.07.2010

      ცივილიზაციის არსებული დონე პრაქტიკულად გვიჩვენებს, თუ რაოდენ დიდია რკინიგზის როლი და მნიშვნელობა სახელმწიფოს მშენებლობაში, განსაკუთრებით ინფრასტრუქტურისა და ეკონომიკური განვითარების მხრივ. ნიშანდობლივია, რომ წარმატებები მიღწეული იქნა სახელმწიფო საკუთრებაში არსებული რკინიგზების მეშვეობით. მე-20 საუკუნის ბოლოს, ტექნიკისა და ტექნოლოგიების სფეროში მიღწეული პროგრესის გათვალისწინებით, მოწინავე კაცობრიობა ცხოვრების დონის ამაღლების ახალ ეტაპზე გავიდა, რომელიც განვითარების თანამედროვე ეკონომიკურ ურთიერთობათა ფორმებს ითვალისწინებს.


    Copyright © 2006-2018 by Resonance ltd. . All rights reserved
    Site Meter