ელზა წიკლაური
08.04.2014

საქართველოში საშემოსავლო გადასახადი ევროპის ქვეყნებთან შედარებით მცირეა, მაგრამ პოსტსაბჭოთა ქვეყნებს შორის ერთ-ერთი ყველაზე მაღალია. მაგალითად, თუ ჩვენთან საშემოსავლო გადასახადი 20%-ია, რუსეთში ეს მაჩვენებელი 13%-ს შეადგენს, უკრაინაში - 15%-ს და ა.შ. თანაც, თითქმის ყველგან აღნიშნული გადასახადი დიფერენცირებულია და პროცენტული მაჩვენებელი იმის მიხედვით დგინდება, თვეში ხელფასის სახით ვინ რა შემოსავალს იღებს.

მაკა ხარაზიშვილი
08.04.2014

იმპორტიორებს, არაკეთილსაიმედო ქვეყნებში, ინსპექტორების გამგზავრების დაფინანსება უძვირდებათ. სურსათის ეროვნულ სააგენტოში აცხადებენ, რომ აქამდე არსებული დაბალი ტარიფები, ინსპექტორების მივლინების ხარჯებს ვერ ფარავდა, ამიტომ მათი გაზრდა გახდა საჭირო.

ელზა წიკლაური
08.04.2014

ბიზნესმენი ლევან ვასაძე ხელისუფლებას აკრიტიკებს და მთავრობას დაზარალებული ბიზნესმენების მიმართ უყურადღებობაში ადანაშაულებს. "ასე პირში წყლის ჩაგუბება და წაყრუება წელიწადნახევრის განმავლობაში როგორ შეიძლება? - მიმართავს ბიზნესმენი ხელისუფლებას და სამართლიანობის აღდგენის კომისიის შექმნის ინიციატივით გამოდის. ვასაძე ამბობს, რომ ამ პერიოდის განმავლობაში არც ერთ ბიზნესმენისთვის წართმეული ქონების დაბრუნება არ მომხდარა.

მარიამ ხიდაშელი
08.04.2014

ქართულ ცხვარს უცხოელები აღარ სწყალობენ, მიზეზი კი მაღალი ფასია. 2010 წელს ცხვრის გაზრდილი ექსპორტით გახარებულმა მეცხვარეებმა ფასიც გაზარდეს, ახლა კი ექსპორტის ჩავარდნაზე საუბრობენ.

მაკა ხარაზიშვილი
05.04.2014

არაბების შემდეგ ფოთის ინდუსტრიული ზონა ირანელებმაც დატოვეს. ექსპერტების განცხადებით, ამგვარ ზონებთან დაკავშირებით ხელისუფლებამ რაიმე გადაწყვეტილება უნდა მიიღოს, ვინაიდან უფუნქციო ზონა, რომელიც ბიზნეს აქტივობის კერად უნდა ქცეულიყო, ქვეყნის იმეჯზეც ცუდად მოქმედებს. ეს კი, თავის მხრივ, ინვესტიციების შემოდინებას აფერხებს.

მარი ჩიტაია
04.04.2014

ყირიმში შექმნილი პოლიტიკური სიტუაციის გამო, უკრაინელი და რუსი ტურისტების დიდი ნაწილი დასასვენებლად ქართულ კურორტებს ირჩევს. ბათუმსა და ქობულეთში მოქმედი სასტუმროების მენეჯერთა ინფორმაციით, უკრაინელები წელს განსაკუთრებით აქტიურობენ, რასაც შეკვეთების ზრდაც მოწმობს.

მაკა ხარაზიშვილი
04.04.2014

დასაქმების მაჩვენებლის შემცირებამ საშუალო ხელფასი გაზარდა. სტატისტიკის ეროვნული სამსახურის მონაცემებით, საშუალო ხელფასი 61 ლარით გაიზარდა და 875 ლარს შეადგენს. ეს მაშინ, როდესაც კერძო სექტორში დაქირავებით, დასაქმებულთა რაოდენობა 9 ათასამდე შემცირდა. ექსპერტების განცხადებით, მთავარი ის კი არ არის რამდენია საშუალო ხელფასი, მთავარია, რამდენ ადამიანს აქვს ხელფასი. ეს მაჩვენებელი კი წლებია არ უმჯობესდება.

ელზა წიკლაური
04.04.2014

საქართველოში ახალი საწარმოები ელვის სისწრაფით იქმნება. საჯარო რეესტრის ოფიციალური მონაცემებით, 2014 წლის პირველ კვარტალში ქვეყანაში სულ 12 797 ბიზნეს სუბიექტი დარეგისტრირდა, რაც წინა წლის ანალოგიურ პერიოდთან შედარებით, 9,8%-ით მეტია. ამ დროს ქვეყანაში უმუშევრობის მაჩვენებელი ისევ იზრდება. "საქსტატის" მონაცემებით, 2013 წლის მეოთხე კვარტალში, წინა წლის ანალოგიურ პერიოდთან შედარებით, საწარმოებში დასაქმებულთა რიცხვი 9 ათასი ადამიანით შემცირდა.

მაკა ხარაზიშვილი
03.04.2014

სიღარიბის ზღვარს ქვემოთ მყოფი მოსახლეობისთვის საშემოსავლო გადასახადის უკან დაბრუნების პროცესი მიმდინარეობს. ამისთვის, სახელმწიფო ბიუჯეტი 170 მილიონი ლარს დახარჯავს. ამ რაოდენობის თანხის მიმოქცევაში ერთბაშად გამოშვება, გარკვეულწილად, ინფლაციას წაახალისებს. ეკონომისტები აღნიშნავენ, რომ სოციალურად დაუცველი მოსახლეობა იმდენად გახარებულია, რომ ამ მცირე მსხვერპლის გაღება ღირს.

მარი ჩიტაია
03.04.2014

მთავრობა ანაკლიის მსხვილ საპორტო პუნქტად გადაქცევას აპირებს. პორტთან ერთად, აეროპორტის მშენებლობაც იგეგმება. ეკონომიკური სფეროს ექსპერტთა ერთი ნაწილი მიიჩნევს, რომ ორივე პროექტი პოლიტიკაზეა ორიენტირებული, რის გამოც ის უპერსპექტივოა.

მაკა ხარაზიშვილი
03.04.2014

კრედიტები დეპოზიტებზე თითქმის 3-ჯერ ძვირია. ეს ფაქტი მიუთითებს იმაზე, რომ ბანკები საქართველოში ყველაზე დიდი მევახშეები არიან. სპეციალისტების განცხადებით, მაღალი სპრედით (კრედიტების საპროცენტო განაკვეთებსა და დეპოზიტების საპროცენტო განაკვეთებს შორის სხვაობა) საქართველო ერთ-ერთი მოწინავე ქვეყანაა.

მარი ჩიტაია
02.04.2014

აზერბაიჯანში ავტომანქანებზე ევროპული სტანდარტის ევრო-4-ის დაწესებამ ქართველ იმპორტიორებს პრობლემები შეუქმნა. მართალია, დილერები ფასების შეინარჩუნებას ახერხებენ და საქართველოში ავტომობილის გაძვირება არ იგეგმება, ბევრ მათგანს საბრუნავი თანხის გაზრდა მოუწევს. უკვე შემცირდა მეზობელ ქვეყანაში ავტომობილების იმპორტის მასშტაბებიც.


Copyright © 2006-2020 by Resonance ltd. . All rights reserved
×