ელზა წიკლაური
27.03.2015

 პენსია, რომელიც სექტემბრიდან 6,6%-ით გაიზრდება, წინა წლის ანალოგიურ პერიოდთან შედარებით, პრაქტიკულად, 7-8%-ით გაუფასურებული იქნება. ამასთან, სპეციალისტთა პროგნოზით, მომატებული 10 ლარიდან 8 ლარს "ინფლაცია" შეჭამს. ეს იმ შემთხვევაში, თუკი ინფლაცია მიზნობრივ, 5%-იან მაჩვენებელს არ გადააჭარბებს. ფასთა უფრო მაღალი ზრდის პირობებში კი დანაკარგი გაცილებით მეტი იქნება.

მარი ჩიტაია
26.03.2015

 ერთ წელიწადში საქართველოს მოსახლეობას, შესაძლოა, გაზი გაუძვირდეს. როგორც კი სუბსიდირების ვადა ამოიწურება, ქვეყანაში ტარიფის გადახედვის აუცილებლობა დადგება. სოციალური გაზის სუბსიდირებას მთავრობა 2016 წლის 1-ელ მარტამდე განახორციელებს. დიდი ალბათობით, ამ პერიოდში მოსახლეობისთვის ბუნებრივი აირის ტარიფი შენარჩუნდება, მაგრამ რა მოხდება შემდეგ, მთავრობას ამ კითხვაზე პასუხი ჯერ არ აქვს.

მაკა ხარაზიშვილი
26.03.2015

 ლარის კურსის მკვეთრი გაუფასურება აღარ მოხდება, მაგრამ არც მნიშვნელოვან გამყარებას უნდა ველოდოთ. ეკონომიკის მინისტრი ამბობს, რომ გამყარებული ლარი ექსპორტს ხელს შეუშლის. ამასთანავე კურსის გაუფასურებისა და პროდუქტის გაძვირების შედეგად, ეროვნული ბანკი, როგორც იქნა, შეძლებს მიზნობრივ ინფლაციას მიაღწიოს, რომელსაც წლების განმავლობაში "ნატრობდა"; მაგრამ რა ეშველება მოსახლეობას, რომელსაც პროდუქტი და კრედიტი გაუძვირდა?

მარიამ აფციაური
26.03.2015

ტუროპერატორების ნაწილი ტურიზმის ბიზნესის წამგებიანობას უჩივის. განსაკუთრებით მძიმე ვითარება აქვთ იმ სააგენტოებს, რომლებიც შიდა ტურიზმზე მუშაობენ. "რეზონანსი" რამდენიმე მათგანს დაუკავშირდა, თუმცა აქედან 3 უკვე დახურული აღმოჩნდა. საკუთარი ძალისხმევის ხარჯზე ძლივს ახერხებს მუშაობას კომპანია "მედეა თრეველი". მიუხედავად ამისა, მათ ფილიალის დახურვა მაინც მოუხდათ. ისინი ქვეყანაში ამჟამად მხოლოდ ერთ ოფისს ამუშავებენ.

მაკა ხარაზიშვილი
25.03.2015

 ბოლო 10 წელიწადში ქვეყნის საგარეო და საშინაო ვალი 5,461 მილიარდი ლარით გაიზარდა. ბოლო წლებია, მთავრობა, საგარეო ვალთან ერთად, განსაკუთრებული მოწადინებით საშინაო ვალსაც ზრდის. შემდეგ მისი გასტუმრებისთვის სახელმწიფო ბიუჯეტიდან უამრავი თანხა იხარჯება, რომელიც ისევ საზოგადოების კეთილდღეობას აკლდება. ფინანსთა სამინისტრო კი გვამშვიდებს, რომ ვალის მოცულობას კრიტიკულ ზღვრამდე ჯერ არ მიუღწევია.

მარი ჩიტაია
25.03.2015

დასავლეთ საქართველოში სასოფლო-სამეურნეო მიწაზე მოთხოვნამ იმატა, მაგრამ გასაყიდი თითქმის არაფერი დარჩა. მიწას მოსახლეობა, ძირითადად, თხილის მოშენების მიზნით ყიდულობს. პარალელურად, გაიზარდა ინტერესი კივისა და ფეიხოას მიმართ, რაც ამ პროდუქტების მაღალმა ფასმა განსაზღვრა. სამაგიეროდ, შემცირდა სიმინდის ყანების ფართობი და ზოგ შემთხვევაში განახევრდა კიდეც.

მაკა ხარაზიშვილი
24.03.2015

 იანვარ-თებერვალში ექსპორტი 26%-ით შემცირდა. ჯერჯერობით ეროვნული ვალუტის მცირედით გამყარების ნიშნებიც კი არ ჩანს. მოსახლეობას ისევ უმუშევრობასა და სამომხმარებლო პროდუქტის გაძვირებულ ფასებთან უწევს ბრძოლა. ამ ფონზე საზოგადოების ოპტიმიზმი და მთავრობისადმი ნდობა ნელ-ნელა პესიმიზმითა და უნდობლობით იცვლება. ეკონომისტები კი მომავალს იმედიანად უყურებენ და აცხადებენ, რომ თებერვლისა და მარტის ზოგიერთი ეკონომიკური მონაცემი ოპტიმიზმის შესაძლებლობას იძლევა.

მარი ჩიტაია
24.03.2015

 ავეჯის ბიზნესისთვის კიდევ ერთი წარუმატებელი წელი დაიწყო. მდგომარეობა ამ სფეროში კვლავ არასახარბიელოა. ავეჯის იმპორტიორები და მწარმოებლები არსებულ პრობლემას ფინანსურ კრიზისს მიაწერენ, თუმცა ამ ბიზნესს რეალურად გაცილებით ადრე გაუჭირდა, როგორც კი სამშენებლო სექტორში კრიზისი გაჩნდა.

ელზა წიკლაური
24.03.2015

 გაეროს დასკვნით, 2030 წლისთვის მსოფლიოში სასმელი წყლის რესურსი 40%-ით შემცირდება. ეს იმას ნიშნავს, რომ უკვე 15 წლის შემდეგ მტკნარ წყალზე მოთხოვნა მნიშვნელოვნად გაიზრდება. ამ დროს კი საქართველოში, სადაც სასმელი წყლის უდიდესი რესურსი არსებობს, მისი დამუშავებისა და ექსპორტისთვის, პრაქტიკულად, არაფერი კეთდება. წყლის გადამამუშავებელი საწარმოს მშენებლობის სურვილით ამ დრომდე არც "აწარმოე საქართველოსთვის" მიუმართავს ვინმეს, უწყებათაშორისი სამუშაო ჯგუფი კი, რომელიც წყლის რესურსის რაციონალური გამოყენების გრძელვადიანი სტრატეგიის შემუშავების მიზნით შეიქმნა, ისევ პასიურობს.

მაკა ხარაზიშვილი
24.03.2015

 საქართველოში ხორბლის ნათესი ფართობები შემცირდა. ამის მიზეზი შარშანდელი გვალვაა. 2014 წლის ზაფხულში კახეთში, დაახლოებით, 5 ათასი ჰექტარი ხორბლის ყანა მთლიანად დაიწვა. გლეხებმა და ფერმერებმა იზარალეს, ამიტომ შემოდგომას ახალი მოსავლის მოსაყვანად აღარც რისკი გაწიეს და მათ ხორბლის დასათესი ფულიც აღარ დარჩათ. სოფლის-მეურნეობის სამინისტროში ახალი ჯიშების სელექციაზე მუშაობენ, რომელიც თითოეული რეგიონის ნიადაგზე იქნება მორგებული.

მარი ჩიტაია
24.03.2015

სარეკლამო ბიზნესს საქართველოში ისევ პრობლემა აქვს. პიარტექნოლოგები მიიჩნევენ, რომ ინვესტიციების შემცირება სარეკლამო ბაზარზეც ნეგატიურად აისახა და მდგომარეობა სასიკეთოდ ვერც უახლოეს პერიოდში შეიცვლება. სპეციალისტების შეფასებით, გასული წლის ამავე პერიოდთან შედარებით, სარეკლამო ბაზარზე კლებაა.

მაკა ხარაზიშვილი
24.03.2015

დსთ-ს ქვეყნებთან ექსპორტი 53%-ით შემცირდა, ევროკავშირის ქვეყნებთან კი - 9%-ით გაიზარდა. ქართული პროდუქტებიდან ყველაზე მზარდი თხილის ექსპორტია, რომელიც უკვე პირველ ადგილზე მყოფ ავტომობილების ექსპორტს მიუახლოვდა. მთლიანობაში ექსპორტი 26%-ით შემცირდა და შესაბამისად უარყოფითი სავაჭრო ბალანსი 55%-ია.


Copyright © 2006-2020 by Resonance ltd. . All rights reserved
×