სახელი*
    ელ–ფოსტა
    წერილის ტექსტი*
    საკონტროლო კოდი* კოდის განახლება
    გაგზავნა
    მაკა ხარაზიშვილი
    17.12.2013

    "ეს იყო სოფლის მეურნეობისთვის რევოლუციური წელი", - ასე შეაფასა სოფლის მეურნეობის მინისტრმა შალვა ფიფიამ 2013 წელს გაწეული სამუშაო. მისი თქმით, მცირემიწიან ფერმერთა საგაზაფხულო სამუშოების ხელშეწყობის პროექტი უპრეცედენტო იყო. 710 385 ბენეფიციარმა სასოფლო-სამეურნეო ბარათების სახით 195 545 543 ლარის ღირებულების პირდაპირი დახმარება მიიღო. წარმატებულად შეფასდა შეღავათიანი აგროკრედიტის პროექტიც, რომლის ბიუჯეტი 29 600 000 ლარით განისაზღვრა და დღეისთვის უკვე 6 კომპონენტს მოიცავს.

    ელზა წიკლაური
    14.12.2013

    აჭარისა და გურიის ანალოგიურად, წლეულს მანდარინის უხვი მოსავალი მოვიდა აფხაზეთშიც. დე ფაქტო რესპუბლიკის სოფლის მეურნეობის სამინისტროს ინფორმაციით, მოსავლის ოდენობამ 38 ათას ტონას გადააჭარბა, რაც შარშანდელს 10 ათასი ტონით აღემატება. აფხაზეთის ანალოგიურად, ციტრუსის უხვი მოსავალი მოვიდა დანარჩენ საქართველოშიც. თუ შარშან მანდარინის საერთო რაოდენობამ 55 ათასი ტონა შეადგინა, წლეულს მოსავალმა 110 ათას ტონას გადააჭარბა.

    მაკა ხარაზიშვილი
    14.12.2013

    იანვარში ანაკლიის პორტთან დაკავშირებით "კონტი ჯგუფი" საქართველოს მთავრობას კონკრეტულ წინადადებებს წარუდგენს. გარდა ამისა, უკვე მიმდინარეობს საკონსულტაციო ჯგუფის შერჩევა, რომელიც პორტის მშენებლობის მიზანშეწონილობას შეისწავლის. სავარაუდოდ, პროექტის ღირებულება 2 მილიარდი დოლარია.

    მაკა ხარაზიშვილი
    13.12.2013

    2014 წელს სახელწიფო ბიუჯეტის 15,3% ვალების გასტუმრებას მოხმარდება. ვალებში იგულისხმება შიდა და საგარეო ვალი, უკან დასაბრუნებელი საშემოსავლო გადასახადი და წინასწარ გადახდილი გადასახადები. სპციალისტები იმედოვნებენ, რომ მომავალში ვალის სწორად მართვა მოხდება და ბიუჯეტი ასეთი დიდი ტვირთისგან გათავისუფლდება.

    მარი ჩიტაია
    12.12.2013

    საქართველოში ნავთობპროდუქტებზე ფასის ზრდა დაიწყო. ცვლილებებს იმპორტიორები საერთაშორისო ბაზრის ტენდენციას უკავშირებენ, თუმცა ამისთვის რეალური საფუძველი კომპანიებს არ აქვთ. საწვავის ფასში საერთაშორისო ბაზარზე ბოლო დროს დიდი ცვლილება არ შეინიშნება, ხოლო ბოლო 2 დღეა ბენზინი სულაც იაფდება. დიდი ალბათობით, საქართველოში საწვავის ფასის ზრდა ლარის კურსის ვარდნას უკავშირდება, მაგრამ ამის აღიარება იმპორტიორებს რატომღაც არ სურთ.

    მაკა ხარაზიშვილი
    12.12.2013

    უკრაინაში არსებულმა პოლიტიკურმა კრიზისმა შეიძლება ამ ქვეყანასთან ვაჭრობის მხრივ სერიოზული პრობლემა შექმნას, არადა იგი საქართველოს ერთ-ერთი სტრატეგიული სავაჭრო პარტნიორია.

    მარიამ აფციაური
    12.12.2013

    ზამთრის კურორტებზე ბაკურიანსა და გუდაურში დასვენება გაძვირდა. შარშანდელთან შედარებით ფასებს შორის სხვაობა, დაახლოებით, 80 ლარია. ღირებულების მატებასთან ერთად, წლეულს მთაში ტურისტების ზრდაც შეინიშნება. აქტიურობით რუსები და აზერბაიჯანელები გამოირჩევიან.

    მარი ჩიტაია
    11.12.2013

    წვრილი მაღაზიებისა და გარემოვაჭრეების შემდეგ საგადასახადო ინსპექციამ გეზი ბაზრობებისკენ აიღო. იმის ნაცვლად, რომ მცირე ბიზნესს შეღავათი და ამოსუნთქვის საშუალება მისცეს, მთავრობა ადმინისტრირებას ამკაცრებს. ინდმეწარმეები შემოსავლების სამსახურის მხრიდან რეპრესიული პოლიტიკის გატარებაზე საუბრობენ. მათი თქმით, კრიზისში მყოფ მცირე და საშუალო ბიზნესს მარწუხებს კიდევ უფრო უჭერენ.

    მაკა ხარაზიშვილი
    11.12.2013

    რუსეთის ბაზრის გახსნამ ქართველი მომხმარებელი დააზარალა. საქართველოში საექსპორტო პროდუქტი, წინა წლებთან შედარებით, მკვეთრად გაძვირდა. 1 კგ კარტოფილის ღირებულებამ 1,3 ლარს მიაღწია, ღვინის ფასი კი დაახლოებით 50%-ით გაიზარდა. ახალი წლიდან რუსეთში ვაშლის გატანასაც აპირებენ და მალე მომხმარებლისთვის ამ პროდუქტის შეძენაც ფუფუნება გახდება.

    მაკა ხარაზიშვილი
    10.12.2013

    სახელმწიფო "ძვირი" ვალით "იაფი" ვალის გასტუმრებას აპირებს. გაისად რეკორდული რაოდენობის სახაზინო ვალდებულებებისა და ობლიგაციების გამოშვებით საბიუჯეტო გადასახდელები, მათ შორის, სახელმწიფო ვალის დაიფარება.

    მაკა ხარაზიშვილი
    10.12.2013

    სასოფლო-სამეურნეო მიწების რეგისტრაცია ჯერ კიდევ არ დაწყებულა. არადა, სოფლის მეურნეობაში მრავალმილიონიანი პროგრამები ხორციელდება, რომლის ეფექტურობა, ამ პრობლემის მოგვარების გარეშე, შესაძლოა, კითხვის ნიშნის ქვეშ დადგეს.

    მაკა ხარაზიშვილი
    10.12.2013

    სამ კვარტალში, ქვეყანაში, 697 მილიონი დოლარი პირდაპირი ინვესტიცია შემოვიდა. ინვესტორებმა ყველაზე მეტი ფული საფინანსო სექტორში დააბანდეს, შემდეგ მოდის კავშირგაბმულობა და ენერგეტიკა. ანუ პირველ სამეულში სოფლის მეურნეობა ისევ ვერ მოხვდა.


    Copyright © 2006-2019 by Resonance ltd. . All rights reserved