სახელი*
    ელ–ფოსტა
    წერილის ტექსტი*
    საკონტროლო კოდი* კოდის განახლება
    გაგზავნა
    მარი ჩიტაია
    17.05.2014

    თხილის ფასმა ყველა რეკორდი მოხსნა. დასავლეთ საქართველოში მდებარე ქარხნები 1 კგ თხილს 6 ლარად იბარებენ. ნედლ, ჯერ კიდევ მსხმოარე ნაწარმს მოსახლეობა წინასწარ 2,50-3 ლარად ყიდის. ასეთი რამ აქამდე არავის ახსოვს.

    მაკა ხარაზიშვილი
    17.05.2014

    2014 წლის აპრილში, მარტთან შედარებით, ექსპორტი 19 მილიონი დოლარით შემცირდა. ამ მაჩვენებელზე გავლენა უკრაინასთან გაუარესებულმა სავაჭრო ურთიერთობამ მოახდინა. სპეციალისტების განცხადებით, უკრაინაში არსებული პოლიტიკური დაძაბულობა ექსპორტზე კვალს აუცილებლად დატოვებს, ვინაიდან საქართველოსთვის იგი ერთ-ერთი მნიშვნელოვანი საექსპორტო ქვეყანაა.

    მარი ჩიტაია
    16.05.2014

    ეკონომიკის ზრდის პროგნოზებში ამჯერადაც უზარმაზარი ცდომილებაა. ევრობანკი, სავალუტო ფონდი და მსოფლიო ბანკი აბსოლუტურად განსხვავებულ პარამეტრებს ასახელებენ. სხვაობა იმდენად დიდია, რომ ექსპერტებიც კი დაიბნენ. ისინი ერთმანეთისგან რადიკალურად განსხვავებულ შეფასებებს აკეთებენ.

    მაკა ხარაზიშვილი
    16.05.2014

    ევროკავშირის ბაზრის გახსნას ქართველი ფერმერები მოუმზადებლები ხვდებიან. მიზეზი არის ის, რომ ისინი ვერ ახერხებენ დააკმაყოფილონ ევროსტანდარტები, მიიღონ საკმაოდ ძვირადღირებული სერტიფიკატები და საკუთარი პროდუქტი ევრობაზარზე გაიტანონ. გამოდის, რომ ღრმა და ყოვლისმომცველი ხელშეკრულებით საქართველო სავაჭრო კუთხით თითქმის ვერაფერს იხეირებს.

    მაკა ხარაზიშვილი
    15.05.2014

    "ხუდონჰესის" მშენებლობის კანონიერება ეჭვქვეშაა. სახალხო დამცველმა საკითხი შეისწავლა, სადაც რამდენიმე პრობლემა იკვეთება - არ არსებობს ეკონომიკური ანალიზი, თუ რა სარგებელს მიიღებს ქვეყანა ჰესისგან, უცნობია, გაითვალისწინა თუ არა ინვესტორმა გარემოს დაცვის სამინისტროს 111 შენიშვნა, არ არის მომზადებული განსახლების გეგმა და გაურკვეველია რა კომპენსაცია გადაეცემა, მოსახლეობას ან საერთოდ თუ გადაეცემა.

    მაკა ხარაზიშვილი
    15.05.2014

    წლის ბოლოს სასოფლო-სამეურნეო მიწებზე გამოცხადებული მორატორიუმის ვადა იწურება. მიწების რეგისტრაცია და დახარისხება კი ჯერაც არ დაწყებულა. საქართველოში სასოფლო-სამეურნეო მიწების დაახლოებით 80% დასარეგისტრირებელია.

    მარი ჩიტაია
    15.05.2014

    ტანსაცმლის ქართული ბაზარი ჩვეულ აქტიურობას ინარჩუნებს. მიუხედავად იმისა, რომ მოსახლეობის მსყიდველუნარიანობა დაცემულია და გაყიდვას თითქმის ყველა სავაჭრო სექტორი უჩივის, ტანსაცმლის ბიზნესში განსხვავებული ვითრებაა.

    მაკა ხარაზიშვილი
    14.05.2014

    ევროპა "ნაბუკოს" მარშრუტის თავისებურ რეანიმაციაზე მუშაობს. ამჯერად ირანიდან ევროპაში გაზის ტრანსპორტირების საკითხი გააქტიურდა. მარშრუტი ასეთია - ირანი, სომხეთი, საქართველო, თურქეთი და ბოლოს ევროპა. გაზსადენმა ყველა შემთხვევაში საქართველო უნდა გაიაროს. რთული გეოგრაფიული რელიეფის გამო, პირდაპირ ირანსა და თურქეთს შორის გაზსადენის გაყვანა შეუძლებელია.

    მაკა ხარაზიშვილი
    14.05.2014

    მეწარმეობის განვითარების სააგენტოს ამოქმედება ამჯერად სექტემბრამდე გადაიდო. თუკი სააგენტო სექტემბერში მაინც ამოქმედდა, პროექტების განხორციელებაზე კონკურსი, სავარაუდოდ, ნოემბერში გამოცხადდება. კონკურსის შედეგები დეკემბრის ბოლომდე არ იქნება. შესაბამისად, წელს მცირე მეწარმეები ამ სააგენტოსგან რაიმე დაფინანსების მიღებას ნუღარ დაელოდებიან.

    მაკა ხარაზიშვილი
    13.05.2014

    როგორ იხარჯება ფინანსთა სამინისტროს მიერ ერთ კომერციულ ბანკში დეპოზიტის სახით განთავსებული ბიუჯეტის ფული, გაურკვეველია. ცნობილი არის მხოლოდ ის, რომ ფინანსთა სამინისტრომ, ეკონომიკის დაკრედიტების მოტივით, ორი წამყვანი ქართული ბანკიდან ერთ-ერთ ბანკში 100 მილიონამდე ლარის დეპოზიტი განათავსა. კონკრეტულად რომელ ბიზნესპროექტებს მოხმარდება ეს თანხა ან საერთოდ თუ მოხმარდება, არავინ იცის.

    მაკა ხარაზიშვილი
    13.05.2014

    წელს საქართველოში 1 მილიარდი დოლარის პირდაპირი უცხოური ინვესტიცია შემოვა. ექსპერტებისთვის ეს მაჩვენებელი მოულოდნელი არ ყოფილა, გამომდინარე იქიდან, რომ ინვესტიციების შემომტანი თანაინვესტირების ფონდი აქტიური არ არის. მარტო საერთაშორისო ორგანიზაციების მიერ გამოყოფილი კრედიტები კი სასურველ საინვესტიციო ამინდს ვერ ქმნის.

    მარი ჩიტაია
    13.05.2014

    აგრარულ ბაზრებსა და მაღაზიებში საადრეო ბოსტნეული და ხილი სიიაფით გამოირჩევა. შარშანდელ ანალოგიურ პერიოდთან შედარებით, სასოფლო-სამეურნეო პროდუქტი დაახლოებით 5-10%-ით იაფია. მოვაჭრეები დაბალ ფასს უხვმოსავლიანობით ხსნიან და ამბობენ, რომ ქართული სოფლებისთვის წლევანდელი პერიოდი განსაკუთრებით ბარაქიანია. მათივე თქმით, სიაფე გაყიდვასაც შეეტყო და მომხმარებელი უფრო აქტიური გახდა.


    Copyright © 2006-2019 by Resonance ltd. . All rights reserved
    ×