ოქროს ფასი არნახულ მასშტაბს აღწევს და საერთაშორისო გავლენას ქართული ბაზარიც ვერ გაექცა. ერთი წლის განმავლობაში ოქრო 60%-ით გაძვირდა, რამაც რეალიზაციაზე ნეგატიურად იმოქმედა. ოქროს ბირჟაზე მომუშავეები გაყიდვის მაჩვენებლის 30%-ით შემცირებაზე საუბრობენ, რასაც სპეციალისტევბიც ადასტურებენ. მსგავსი სიტუაცია პირველადაა, როცა ოქროს მომხმარებელი მხოლოდ უკიდურესი საჭიროებიდან გამომდინარე იძენს ძვირფასი ლითონისგან დამზადებულ სამკაულს. ამ ეტაპზე ლონდონის ბირჟაზე 1 უნცია ოქროს ფასი 2944 დოლარია.