სახელი*
    ელ–ფოსტა
    წერილის ტექსტი*
    საკონტროლო კოდი* კოდის განახლება
    გაგზავნა
    ირაკლი ლომიძე
    27.01.2020

     ნავთობმომპოვებელი კომპანია ,,ფრონტერა“ საქართველოს წინააღმდეგ დავას აგრძელებს. საქმე ეხება კომპანიის მიერ ქართულ მხარესთან დადებული ხელშეკრულების მუხლების დარღვევას და  ბუნებრივი წიაღისეულით სარგებლობის მოსაკრებელში არსებულ დავალიანებას, რომლის გადახდასაც ,,ფრონტერა“ თავს არიდებდა. ამ დროს კი ირკვევა, რომ კომპანია თავად არღვევდა ყველა პირობას არა მარტო სახელმწიფოსთან, არამედ თავის თანამშრომლებთანაც კი.

    ირაკლი ლომიძე
    27.01.2020

     სეპარატისტულ აფხაზეთს ქვეყნის მთავარი ელექტროსადგურის ,,ენგურჰესის” გამომუშავებული ელექტროენერგია არ ჰყოფნის და უკვე საქართველო ენერგოსისტემიდან დამატებით მიაქვთ ელექტროენერგია. ამ დროს ენერგოსტაბილურობის მხრივ ურთულესი ვითარებაა. ამ მომენტისთვის ქვეყანა საჭირო დენის თითქმის ნახევარს ძვირი იმპორტისა და ასევე ძვირი თბოსადგურების ხარჯზე ივსებს.

    სანდრო მდივანი
    27.01.2020

     2019 წელი საქართველოს მცირემოსავლიანი იყო. იანვრის ბოლო რიცხვებიდან ბაზრიდან ქართული პროდუქცია ნელ-ნელა გაქრა. ამიტომ სპეციალისტები ვარაუდობენ, რომ გაზაფხულისთვის ფასები საკმაოდ მოიმატებს. იმპორტირებული პროდუქცია ყოველ წელს ძვირია, თუმცა რამდენიმე კვირაში ადგილობრივი პროდუქტიც გაძვირდება და გაზაფხულიდან მოსახლეობა ამას მკვეთრად იგრძნობს.

    რეზონანსი
    27.01.2020

     მსოფლიოსათვის ახალი საფრთხე, კორონა ვირუსი, არა მხოლოდ ადამიანების ჯანმრთელობას, არამედ ფინანსურ და სასაქონლო ბირჟებსაც ემუქრება. უარყოფითი ზეგავლენა და რყევები უკვე თვალსაჩინოა. აზიის საფონდო ბირჟებზე ინდექსებს შეუქცევადი კლების ტენდენცია აქვს, ხოლო ნავთობი, 8 იანვრიდან 27 იანვრამდე 11 დოლარით გაიაფდა.

    თამარ მუკბანიანი
    23.01.2020

    ბოლო 2 წლის უარყოფითი ტენდენცია, პირდაპირი უცხოური ინვესტიციების კლება 2020-შიც გაგრძელდება. მიზეზი საარჩევნო წელია, როცა მოლოდინის გამო, ინვესტორები თანხის დაბანდებას ერიდებიან. გარდა სპეციალისტების ანალიზისა, საარჩევნო წლებში რომ ინვესტიციები იკლებს, ამას სტატისტიკაც ადასტურებს.

    სანდრო მდივანი
    23.01.2020

     საქართველოს პრემიერ-მინისტრი გიორგი გახარია დავოსის მსოფლიო ეკონომიკური ფორუმის ფარგლებში მსოფლიოს  მსხვილი ბიზნეს წრეების წარმომადგენლებს შეხვდება. რა შედეგი შეიძლება მოიტანოს მთავრობის აქტიურობამ? ქართველი სპეციალისტების შეფასებით, შეხვედრები საქართველოს ეკონომიკურ წინსვლაზე არ იმოქმდებს, რადგან ჩვეი ქვეყანა დასავლურ რიტმს ფეხს ვერ უწყობს და მუდმივად რჩება ხარვეზები, რომლის გამოსწორებაზეც არავინ ფიქრობს.

    რეზონანსი
    23.01.2020

     სომხეთში მანქანების რეექსპორტი გაზაფხულიდან შეიზღუდება. მიუხედავად იმისა, რომ ცვლილებაზე კარგა ხანია მიდის საუბარი, ქართველ იმპორტიორებისთვის ეს მაინც დიდი დარტყმა იქნება. მათი ნაწილი საკუთარი ბიზნესის დახურვას გეგმავს, ხოლო ზოგიერთი თანამშრომლების შემცირებას. იმპორტიორები ადასტურებენ, რომ ოპტიმიზაცია უკვე დაიწყეს.

    ანა ჯინჭარაძე
    23.01.2020

     “სილქნეტის” სამეთვალყურეო საბჭოს თავჯდომარემ, გიორგი რამიშვილმა და OneWeb-ის აღმასრულებელმა დირექტორმა, ადრიან სთექელმა, დავოსში მსოფლიო ეკონომიკური ფორუმის მიმდინარეობისას საქართველოსა და კავკასიის რეგიონში პარტნიორობას მოაწერეს ხელი. საქართველოში ოპტიკურ-ბოჭკოვანი ინტერნეტქსელის განვთარების პარალელურად, ოპერატორები უკვე წლებია უკაბელო და სატელიტური ტექნოლოგიის გამოყენებით ინტრნეტსერვისებს უზრუნველყოფენ. ახლა უკვე, “სილქნეტსაც” შეეძლება ინტერნეტკავშირი ისეთ მომხმარებელსაც შესთავაზოს, რომლის გეოგრაფიული მდებარეობაც ბოჭკოვანი ქსელით არაა დაფარული.

    გვანცა წულაია
    22.01.2020

     თავბრუდამხვევი ინფლაციის შემდეგ, ქვეყანაში იმპორტირებულ პროდუქციაზე ფასები ისევ “სტაბილურად მძიმეა”. 2020 წელი საქართველოში უკვე გაზრდილი ფასებით დაიწყო, რაზეც გავლენა შარშანდელმა მძიმე ეკონომიკურმა ფაქტორებმა მოახდინა. შარშან ზოგიერთ პროდუქტები იმდენად გაძვირდა, რომ ევროპისა და ამერიკის ფასებს დაუახლოვდა. ამის ფონზე კი, იმპორტიორები დიდი ხანია ამბობენ, რომ თუ ეროვნული ვალუტა 2.70-ის ნიშნულისკენ არ წამოვა, არავითარი შეღავათი ბაზარზე არ იქნება, ხოლო ზოგიერთი რამ გაძვირდება კიდეც.

    გვანცა წულაია
    22.01.2020

     2019 წლის წელს ინფლაციისა და ეროვნული ვალუტის ანტირეკორდმა, გავლენა სამშენებლო სფეროზეც მოახდინა. შარშან ბინებზე ფასმა მოიმატა, მსყიდველთუნარიანობა კი საკმაოდ დაეცა, რის გამოც სამშენებლო სფერო კრიზისში აღმოჩნდა. მშენებლობს კი წელს ვითარების გამოსწორების მოლოდინი არ გააჩნიათ და ამბობენ, რომ ქვეყანაში შემოღებული საბანკო რეგულაციების შერბილება აუცილებელია.

    რეზონანსი
    22.01.2020

     ოქროს ღირებულება კვლავ იზრდება. გასული წლის ზაფხულის დასაწყისიდან, ტენდენციას შეუქცევადი ხასიათი აქვს. გაზრდილია სხვა ფერადი ლითონების ღირებულებაც. სპეციალისტები, ფასის კიდევ მეტად მატებას ვარაუდობენ, მათი თქმით, 2020-ის დეკმბრისათვის ერთი უნცია ორქოს ფასი 2 000 აშშ დოლარს მიაღწევს.

    თამარ მუკბანიანი
    21.01.2020

     4.5-5% - ეს ის საპროგნოზო მაჩვენებლებია, რომელსაც ეროვნული ბანკი და უცხოური ორგანიზაციები, საქართველოში 2020 წელს ეკონომიკური ზრდისათვის პროგნოზირებენ. ეკონომიკური ზრდის ტემპით საქართველოს სომხეთი, ტაჯიკეთი, თურქმენეთი და უზბეკეთი უსწრებს.


    Copyright © 2006-2020 by Resonance ltd. . All rights reserved
    ×