სახელი*
    ელ–ფოსტა
    წერილის ტექსტი*
    საკონტროლო კოდი* კოდის განახლება
    გაგზავნა
    მარი ჩიტაია
    19.04.2019

     მთავრობის ეკონომიკურ ბლოკში ცვლილებები დაიწყო. ისედაც მოსალოდნელი იყო, რომ მინისტრები შეიცვლებოდნენ, რადგან მწვავე ეკონომიკური სიტუაციაა და ქვეყანა წინ ვერ მიდის, რაც პირველ რიგში, სწორედ ამ გუნდის დამსახურებაა. უკვე აქტიურად დაიწყო მსჯელობა, ვინ იქნება შემდეგი. ეს შეიძლება ფინანსთა მინისტრი აღმოჩნდეს.

    თამუნა მუკბანიანი
    19.04.2019

     საქართველოში ბანკებისთვის უცხოურ ვალუტაზე სარეზერვო მოთხოვნა კიდევ 3%-ით გაიზარდა. აქამდე ერთ წლამდე ვადით მოზიდული სახსრების მინიმალური სარეზერვო მოთხოვნა 25% იყო, 18 აპრილიდან კი 28% შეადგინა. განაკვეთი წელს კიდევ ერთხელ გაიზრდება და მაისში 30%-ს მიაღწევს. ემუქრება თუ არა საფრთხე ამ გადაწყვეტილებით ეროვნულ ვალუტას? ბანკებს მოუწევთ დოლარის ბრუნვიდან ამოღება და ბაზარზე დეფიციტი წარმოიქმნება.

    თეო გუდავაძე
    19.04.2019

     197 დაჯარიმებული სამედიცინო დაწესებულება და, ჯამში, 56-მილიონიანი ჯარიმა. ეს შედეგი გამოავლინა კლინიკების შემოწმებამ. წესების დამრღვევთა შორის ისეთი დიდი სამედიცინო ცენტრებიც არიან, როგორიცაა "ევექსი", "ჯეოჰოსპიტალსი" და სხვა. "რეზონანსის" ცნობით, დაჯარიმებულები დავას სასამართლოში გააგრძელებენ. სამედიცინო სეფროში კი ასეთი პრობლემები არ აღმოიფხვრება, სანამ არაერთგზის დაპირებული ელექტრონული სისტემა არ ამოქმედდება.

    მარი ჩიტაია
    19.04.2019

     ახალმა საარსებო მინიმუმმა საყოველთაო აღშფოთება გამოიწვია. მით უმეტეს, რომ ამჟამად საქართველოში ერთ-ერთი ყველაზე ძვირი გაზაფხულია, რაც კი ბოლო წლებში ყოფილა. მინიმუმის დათვლის მეთოდოლოგია უნდა შეიცვალოს, ამაზე ყველა თანხმდება, თუმცა კონკრეტულად როგორი უნდა იყოს სქემა, ჯერ კიდევ დადგენილი არ არის. სპეციალისტების რეკომენდაციაა, მასში სურსათის წილი დაახლოებით 20%-ით შემცირდეს და არასასურსათო ხარჯთან მიმართებით 50/50-ზე პროპორციით განისაზღვროს.

    რეზონანსი
    18.04.2019

     თბილისი, 18 აპრილი, 2019 – ბილაინი, საერთაშორისო ჯგუფის „ვიონი“ წევრი, ავიამგზავრთა უფლებების დაცვის კომპანიასთან FlyHelp–ი თანამშრომლობის შესახებ აცხადებს. თანამშრომლობის თანახმად, ბილაინის აბონენტები კომპენსაციის სახით იბრუნებენ ბილეთის ღირებულების 75%-ს, ნაცვლად სტანდარტული 70%-ისა. მომხმარებელი უბრალოდ ავსებს განაცხადს კომპანიის ვებგვერდზე www.flyhelp.ge, იმ შემთხვევაში თუ ევროკავშირის წევრი ქვეყნების ფრენებზე, ავიახაზის ბრალეულობით, ბოლო 3 წლის განმავლობაში ფრენა გაუქმდა, გადაიდო ან 3 საათზე მეტ ხანს დაგვიანდა. მგზავრს უფლება აქვს მოითხოვოს 1800 ლარამდე ოდენობის კომპენსაცია, რაც დამოკიდებულია ფრენის მანძილზე.

    მარი ჩიტაია, ზვიად მახარაძე
    18.04.2019

     მსხვილი ჰესების წინააღმდეგ მოსახლეობის პროტესტი გრძელდება. თითქმის ყველა პროექტი, პრაქტიკულად, ჩავარდა. ერთადერთი გამონაკლისია "ნამახვანჰესი", რომელზეც ეკონომიკის სამინისტრომ განაცხადა, რომ პროექტი დაიძრა. უწყებაში აღნიშნავენ, რომ ეს პროექტი გარემოსდაცვითი უმკაცრესი სტანდარტების დაცვით შესრულდება. მთავრობა და ინვესტორი საბოლოოდ შეთანხმდნენ, თუმცა რა პირობა დაიდო და რის საფუძველზე გაგრძელდება ჰესის მშენებლობა, უცნობია.

    თამუნა მუკბანიანი
    18.04.2019

     ბანკების არაპროფილურმა საქმიანობამ არნახულ მასშტაბს მიაღწია. მიუხედავად იმისა, რომ ოფიციალურად ფინანსურ სექტორს მსგავსი საქმიანობის შეზღუდვა დაუწესდა, თითქმის ყველა ბიზნესში მრავლადაა ბანკებთან მჭიდროდ დაკავშირებული კომპანიები, რომელთაც ფინანსურ რესურზეც მეტი წვდომა აქვთ და კონკურენტების ჩამოშორებასაც ადვილად ახერხებენ.

    მარი ჩიტაია
    18.04.2019

     საქართველოს მოსახლეობის აბსოლუტური უმრავლეობა სახელმწიფოს მხრიდან მოწყალების მომლოდინეა. მარტო მარტში საარსებო შემწეობის მიმღებთა რაოდენობა 5 ათასით გაიზარდა. თუკი დავეყრდნობით ინფორმაციას, რომ საქართველოში ერთ ოჯახში, საშუალოდ, 3,5 სული ცხოვრობს, გასაშუალებული სტატისტიკის მიხედვით, გამოდის, რომ თითქმის ყველა ოჯახი დახმარებას ითხოვს, მათგან 0,5 მლნ-მდე ადამიანი სოციალური შემწეობის მიმღებია.

    მარი გოცირიძე
    18.04.2019

     "საქართველოს ბანკის", ქვეყნის წამყვანი ბანკის, ორგანიზებითა და ეკონომიკის სამინისტროს მხარდაჭერით ელექტროენერგეტიკული ბაზრის რეფორმასთან დაკავშირებით კონფერენცია გაიმართა. კონფერენციისა და პანელური დისკუსიის მთავარი თემა იყო ელექტროენერგეტიკული ბაზრის მოდელის კონცეფცია, ინვესტიციების წახალისების მექანიზმები. ეკონომისტებმა, ექსპერტებმა და დარგის სპეციალისტებმა განიხილეს ისეთი საკითხები, როგორებიცაა: ენერგეტიკის სექტორში დაგეგმილი ცვლილებების მოსალოდნელი გავლენა ბაზრის მონაწილეებზე, განახლებადი ენერგიის წყაროების მხარდაჭერის ახალი მექანიზმები და მათი გავლენა საინვესტიციო გარემოზე.

    თამუნა მუკბანიანი
    17.04.2019

     თბილისში თავისუფალი სივრცეები სამჯერ ნაკლებია, ვიდრე ის ევროპული სტანდარტითაა დადგენილი. დედაქალაქში ეს კოეფიციენტი 4,7-5 კვ/მ-ია, ხოლო დასავლეთში - 15 კვ/მ ერთ სულ მოსახლეზე. მერია ნებისმიერი ფინანსური ტვირთისათვის მზადაა, რათა თავისუფალი სივრცეები გადაარჩინოს, ურბანისტები კი ამბობენ, რომ ევროპულ სტანდარტთან მიახლოება ქაოსური განაშენიანების გამო უკვე შეუძლებელია.

    მარი გოცირიძე
    17.04.2019

     "საქართველოს ბანკმა", ქვეყნის წამყვანმა ბანკმა, განათლების ხელშეწყობის მიზნით, ახალი საგანმანათლებლო პლატფორმა www.boe.ge შექმნა. პლატფორმაზე თავმოყრილია ყველა საჭირო ინფორმაცია იმ შესაძლებლობების შესახებ, რომლებსაც ბანკი აძლევს განათლების მიღების მსურველებს. აბიტურიენტები, სტუდენტები, მომავალი მაგისტრები - ვებ-პლატფორმაზე მიიღებენ ყველა საჭირო ინფორმაციას სასტიპენდიო პროგრამებზე, ონლაინ და ფიზიკურ სასწავლო სივრცეებზე, ენის შემსწავლელ თუ სასერტიფიკატო კურსებზე. www.boe.ge-ზე განთავსებულია საინტერესო ინფორმაცია საგანმანათლებლო კონკურსებსა თუ პროექტებზე, რომლებსაც ბანკი მთელი ქვეყნის მასშტაბით ახორციელებს.

    მარი ჩიტაია
    17.04.2019

     პოლიეთილენის პარკების აკრძალვასთან დაკავშირებით რეგულაციები არ გადავადდება, თუმცა ადგილობრივ მწარმოებლებს მთავრობა პროდუქციის ექსპორტში დაეხმარება. პარლამენტში უკვე აღიარეს, რომ რეგულაციები ნაჩქარევად არის მიიღებული და გადაწყვეტილება შეიძლება, გადაიხედოს. მიუხედავად ამისა, როგორც გარემოს დაცვისა და სოფლის მეურნეობის სამინისტროში აცხადებენ, ცვლილებები ამ ეტაპზე არ იგეგმება და აქტიურად მიდის მუშაობა, რომ მწარმოებლებმა პროდუქციის რეალიზება ქვეყნის გარეთ შეძლონ.


    Copyright © 2006-2019 by Resonance ltd. . All rights reserved
    ×