სახელი*
    ელ–ფოსტა
    წერილის ტექსტი*
    საკონტროლო კოდი* კოდის განახლება
    გაგზავნა
    ია აბულაშვილი
    25.11.2013

     2003 წლის ნოემბრის მოვლენებიდან 10 წელი გავიდა. ამ ათი წლის განმავლობაში რა შეიცვალა ჩვენს ცნობიერებაში და რა შეიძინა ჩვენმა საზოგადოებამ - ამ და სხვა საკითხებზე "მთელი კვირა" ფილოსოფოს ზაზა ფირალიშვილს ესაუბრა.

    მაია აბაიაძე
    25.11.2013

     პირველ დეკემბრამდე "ყაზტრანსგაზის" წარმომადგენლები თბილისის ყველა ოჯახს მოივლიან და გაზის გამათბობლებისა და წყლის გამაცხელებლების გამართულობას შეამოწმებენ. კომპანიაში აცხადებენ, რომ მთავარია დანადგარი ჟანგბადს არა ოთახიდან, არამედ ატმოსფეროდან იღებდეს და ნამწვი აირებიც ატმოსფეროშივე გაიტყორცნებოდეს. ტოქსიკოლოგიის დეპარტამენტში აღნიშნავენ, რომ ადამიანები გაზით ინტოქსიკაციას ვერ გრძნობენ და პირველადი დახმარება, რაც შეიძლება დაზარალებულს აღმოვუჩინოთ, ჟანგბადის მიწოდებაა.

    სალომე აბულაძე
    25.11.2013

    გურჯაანის რაიონის სოფელ კოლაგში ბარბარე რაფალიანცის ბაბუას ილია მექერიშვილს, გვიან ღამით, საკუთარი ეზოს შესასვლელში თავს დაესხნენ. მექერიშვილების ოჯახი ამ ინციდენტს გურჯაანის მაჟორიტარი დეპუტატის, გიორგი ღვინიაშვილის განცხადებასაც უკავშირებს, სადაც ის ამბობს, რომ ათი თვის ჩვილის გარდაცვალების საქმე გახსნილია, თუმცა ხელისუფლება ამას განგებ არ ახმაურებს.

    მარი ოთარაშვილი
    25.11.2013

    "ტესტის ახლა გართულება რამდენად სწორი სტრატეგია იქნება, ამას ვერ გეტყვით. თუკი შევადარებთ მინიმალური კომპეტენციის ზღვარს სხვა იმ ქვეყნებში, სადაც კატ-ით ტარდება გამოსაშვები გამოცდები, მინიმალური კომპეტენციის ზღვარი შეიძლება მართლაც ძალიან დაბალი იყოს," - ამბობს "მთელ კვირასთან" ინტერვიუში განათლების საერთაშორისო ექსპერტი სტივენ ბაკერი, რომელიც თანამედროვე საგანმანათლებლო სივრცეს, ასევე, გამოცდების ეროვნული ცენტრის მიერ დანერგილ საგამოცდო სისტემას კარგად იცნობს. ის ჰოლანდიაში დაჩ-ცენტრის დირექტორია.

    თეა ბეჟიტაშვილი
    25.11.2013

    ვარდების რევოლუციის 10 წლისთავთან დაკავშირებით, თბილისში, რიყის პარკში საიუბილეო კონცერტი გაიმართა, რომელსაც "ნაციონალური მოძრაობის" წევრები და მათი მხარდამჭერები დაესწრნენ. ღონისძიება რამდენიმე არასამთავრობო ორგანიზაციის ორგანიზებით ჩატარდა. კონცერტამდე მოეწყო ფოტოგამოფენა, გამოფენილი იყო 2003 წლის ვარდების რევოლუციის ამსახველი ფოტოები, ასევე, სცენასთან ახლოს ცოცხალი ვარდებით გაკეთებული იყო საქართველოს დროშა, რომელთანაც თამამად პოზირებდა ყველა ასაკის დამთვალიერებელი.

    ეკა ბასილაია
    25.11.2013

     ქართველები არიან უძველესი ცივილიზაციების - ურარტუს, ქალდებისა და შუმერების გენეტიკური მემკვიდრეები და დღეს არსებული ერებიდან ის ქურთებს, ებრაელებს, არაბებსა და ჩეჩენ-ინგუშებს ენათესავებიან, - ასეთია კავკასიელთა ეთნოგენეზისის სამეცნიერო კვლევითი ცენტრის დასკვნა.

    თიკო ოსმანოვა
    23.11.2013

    მომავალი წლიდან თბილისის მერია ავარიული კორპუსების გამაგრებას დაიწყებს, რისთვისაც თბილისის ბიჯეტიდან 25 მილიონი ლარი უკვე გამოყოფილია, თუმცა ამისთვის 35 მილიონი ლარია საჭირო. საკრებულოს "ნაციონალური მოძრაობის" წევრის თემურ გრიგალაშვილის თქმით, დარჩენილი 10 მილიონის დამატება ცენტრალურ ხელისუფლებაზეა დამოკიდებული, რომელმაც ქალაქის მერიას ტრანსფერი 50 მილიონი ლარით შეუმცირა.

    რუსიკო მაჩაიძე
    23.11.2013

    საქართველო ევროპულ არჩევანს არ შეიცვლის და უკრაინის მთავრობის გადაწყვეტილება გავლენას ვერ იქონიებს საქართველოს პერსპექტივაზე, - ასეთია საქართველოს პრეზიდენტის განწყობა ევროკავშირის სამიტის წინ განვითარებული მოვლენების ფონზე.

    თათია ჩაფიჩაძე
    23.11.2013

     მმართველ გუნდში აცხადებენ, რომ საპრეზიდენტო არჩევნების შემდეგ კოაბიტაციის პროცესის ოფიციალურად დასრულების მიუხედავად, თანამშრომლობა ოპონენტებთან გაგრძელდება. "ერთი მხრივ, კოაბიტაციის ოფიციალური ნაწილი დასრულდა, ანუ პრეზიდენტი და პრემიერი ერთსა და იმავე გუნდს წარმოადგენენ, მაგრამ მეორე მხრივ, გრძელდება - მარგველაშვილის გამოსვლებში, სადაც ის დასრულებაზე საუბრობდა, სწორედ ეს ოფიციალური მხარე იგულისხმებოდა და არა ზოგადად თანამშრომლობაზე უარის თქმა", - უთხრა "რეზონანსს" უმრავლესობის წევრმა ვიქტორ დოლიძემ.

    თამთა ვირსალაძე
    23.11.2013

    პრეზიდენტის ინაუგურაციაზე აშშ-ს მოკრძალებული დელეგაცია, უკრაინის უარი ევროპასთან ასოცირების ხელშეკრულებაზე და ზოგადად გეოპოლიტიკური სიტუაცია სპეციალისტების გარკვეულ ნაწილს აფიქრებინებს, რომ აშშ-მ სამხრეთ კავკასიის ქვეყნების მიმართ ინტერესი დაკარგა და ეს რეგიონი რუსეთს დაუთმო.

    მარი ოთარაშვილი
    23.11.2013

     ეკა ბასილაია

    "ტყეს მუხლუხოებივით არიან შესეული და ყველა ჭრის. ასე თუ გაგრძელდა, ბაკურიანში ტყე აღარ გვექნება. მაგრამ რა ქნას ხალხმა - გაზი ძალიან ძვირია და რითი გათბნენ?!" - ამბობს ბაკურიანის მკვიდრი ზაზა ფანჯაკაძე.

    მაია აბაიაძე
    23.11.2013

    საპარლამენტო უმრავლესობის წევრი ირაკლი ჩიქოვანი "რეზონანსთან" ინტერვიუში აცხადებს, რომ ახალი ხელისუფლების მოსვლა გარკვეულწილად გულისხმობს ხედვისა და მიდგომის შეცვლას, თუმცა არ თვლის, რომ ეს პოლიტიკური ოპონენტების მიმართ აგრესიას გაზრდის.


    Copyright © 2006-2020 by Resonance ltd. . All rights reserved
    ×