სახელი*
    ელ–ფოსტა
    წერილის ტექსტი*
    საკონტროლო კოდი* კოდის განახლება
    გაგზავნა
    თიკო ოსმანოვა
    07.11.2017

     "აი, ეს არის ტრაგედია - სისტემური დანაშაულის თავი და თავი აქტიურ პოლიტიკაში და ხელისუფლებაშია ისევ დარჩენილი და ჩვენ მეისრეების პროცესს ვუყურებთ და თან მათი დანაშაულის ანატომიას ვუცქერთ," - ამბობს "რეზონანსთან" საუბრისას პოლიტოლოგი გია ხუხაშვილი.

    არჩევნების მეორე ტურზე, ადვოკატ გოა ონიანის დაკავებაზე და სხვა აქტუალურ თემებზე "რეზონანსი" გია ხუხაშვილს ესაუბრა.

    გია ხუხაშვილი: ის, რომ გოგა ონიანი ამ ტიპის დანაშაულის ჩამდენი იყო, ამაში ეჭვი არ მეპარება. როგორ არის ეს მტკიცებულებებით გამყარებული, არ ვიცი - სამართლებრივ მხარეზე ვერ ვისაუბრებ. მაგრამ ზოგაგად გამკეთებელი იყო, იმიტომ, რომ სისტემა ასე მუშაობდა. ეს მეთოდიკა და ტექნოლოგია მაშინ გავრცელებული იყო, სისტემური დანაშაულის ფორმა ჰქონდა და, ბუნებრივია, ხელისუფლებას ჰყავდა ამის შემსრულებელი. რაც შეეხება პოლიტიკურ დევნას, ამ შეფასებისგან შორს ვარ, მაგრამ პოლიტიკური მანიპულაცია კი ბატონო შეიძლება იყოს.

    ყველაზე საოცარი ის არის, რომ ამ სისტემის იდეოლოგები დღეს ამაყი სახით ოპოზიციაში გვევლინებიან და ჭკუასაც გვასწავლიან.

    აი, ეს არის ტრაგედია - სისტემური დანაშაულის თავი და თავი აქტიურ პოლიტიკაში და ხელისუფლებაშია ისევ დარჩენილი და ჩვენ მეისრეების პროცესს ვუყურებთ და თან მათი დანაშაულის ანატომიას ვუცქერთ. საზოგადოების მოთხოვნა იყო, რომ პოლიტიკურად გაგვესამართლებინა ეს ინსტიტუტი, რომელიც ნარკოტიკების, იარაღის ჩადებით და შანტაჟით ცდილობდა პოლიტიკური შედეგის მიღებას და ძალაუფლების გამყარებას.

    ასე იქცეოდა წინა ხელისუფულება და ეს სიმპტომები გადაედო ამ ხელისუფლებასაც. ამის არა ერთი ფაქტი ვნახეთ. ერთერთ ეპიზოდთან დაკავშირებით თვითონ სასამართლოზეც კი მოხდა აღიარება.

    "რეზონანს": ანუ, ფიქრობთ, რომ ეს ყველაფერი არის ხელისუფლების მიერ დაშვებული შეცდომა, როდესაც კოაბიტაცია სცადა ძნაცმოძრაობასთან?

    გ.ხ: მთავარი ტრაგიკული შეცდომა თუ გადაცდომა იყო ის, რომ ჩვენ არ გავასამართლეთ რეჟიმი. ამან გამოიწვია ის, რომ სისტემა გადმობარგდა ამ ხელისუფლებაში. შესაბამისად, ეს სამართლიანობის თემა დიდ ფასად იქცა.

    ერთი ორი გამოვლენით ვიღაცას უნდა გვაჩვენოს, თითქოს რაღაც ხდება. სინამდვილეში არც არაფერი ხდება. გოგა ონიანი არის ჩვეულებრივი პაიკი, რომელიც რაღაცას აშავებდა ისე, როგორც აშავებდა რეჟიმის მსახური ათიათასობით ადამიანი.

    ჩვენ თავი დავტოვეთ და ვცდილობთ სადღაც ბოლოში მიკრო ქირურგიული პროცესებით გავიდეთ, რაც ასე არ ხდება.

    "რ": რაც შეეხება არჩევნების მეორე ტურს, ელოდებით თუ არა რომელიმე რეგიონში ხელისუფლების დამარცხებას?

    გ.ხ: ვფიქრობ, ეს საერთოდ არაა საინტერესო. ხელისუფლება დამარცხდება თუ არა სადმე, ეს არ ცვლის არაფერს. საერთო სურათი გვაქვს სავალალო ქვეყანაში პოლიტიკური კონკურენცია არ არსებობს. რესუსრები მთლიანად მონოპოლიზებულია ერთ ხელში და ამით თვითონ ეს ძალაც და სახელმწიფოც სერიოზულად ზიანდება. რთული პროცესებისკენ მივექანებით.

    "რ": რაც შეეხება ერთ დროს ნომერ მეორე "ნაციონალს", თქვენი აზრით, ვის მხარეს ვიხილავთ ვანო მერაბიშვილს?

    გ.ხ: არანაირი მნიშვნელობა არ აქვს, სად წავა მერაბიშვილი. ის არ არის ისეთი მნიშვნელოვანი ფიგურა, რომ ჩვენ ამაზე ვიმსჯელოთ. ან ერთგან წავა, ან მეორეგან, ამით არაფერი იცვლება. ეს არის მედლის ორი მხარე. კი, ორად გაიყვნენ, მგრამ სინამდვილეში ერთნი არიან. რაც არ უნდა ეზიზღებოდეთ ერთმანეთი, ერთი იდეოლოგიის და მენტალიტეტის, საერთო დანაშაულის ფუნდამენტზე დგანან. ბოკერია ძნაციონალურ მოძრაიბაში იქნება თუ სხვა პარტიაში, რა მნიშვნელობა აქვს?! ის მაიც ბოკერიაა და მას თავის ცოდვების ტვირთი კისერზე აწევს. ილუზია იმისა, რომ რადგან "ნაციონალური მოძრაობიდან წამოვიდა, დანაშაული ჩამოირეცხა, არავის არ უნდა ჰქონდეს.

    "რ": ნიკა მელიას განცხადებით, ონიანს არ დააკავებდნენ, "ევროპულ საქართველოში რომ გადასულიყო?

    გ.ხ: ეს არის შიდა დაპირისპირება, რაც საზოგადოებისთვის არ არის საინტერესო. მათ ერთმანეთი ეჯავრებათ, თუმცა საერთო დანაშაული აერთიანებთ.

    "რ": მაგრამ ასეთი აღქმა ხელისუფლების გარკვეუწილად ქმედებამ ხომ არ გამოიწვია?

    გ.ხ: ჯერ ერთი, არ მგონია მერაბიშვილის გამოშვების საკითხი გადაწყვეტილი იყოს. დაველოდოთ, რა მოხდება. რომც გამოვიდეს, მერაბიშვილის გამოსვლა ქართულ პოლიტიკაში რამე ფაქტორი იქნება-მეთქი, ვერ ვიტყვი, ამას სკეპტიკურად ვუყურებ.

    თუ შეაგინებს მიშას, რაც ხელისუფლების კეთილგანწყობის მოსაპოვებლად უნივერსალური ინსტრუმენტია, მაშინ გამოშვების მეტი შანსი ექნება და უნდა ვივარაუდოდთ, რომ ძევროპული საქართველოს" რიგებს შეურთდება. თუ მიშას არ შეაგინეს და მაინც გამოუშვეს, ე.ი. წავა ძნაციონალურ მოძრაობაში.

    "რ": მერაბიშვილის ფაქტორი პარტიას დივიდენდებს არ მოუტონს?

    გ.ხ: დივიდენდები არავისთვის არ იქნება. ვანო მერაბიშვილის პოლიტიკური წონა და ავტორიტეტი არის ნულოვანი. იგი აბსოლუტურად მოგონილი, პაროდიული ფიგურა იყო და მეტი არაფერი.

    ლიცენზია
    დატოვე კომენტარიკომენტარები (0)
    ჩაწერა სახელი

    Copyright © 2006-2017 by Resonance ltd. . All rights reserved
    Site Meter