1-ლი დეკემბრიდან ევროკავშირის პოლიტიკური ხელმძღვანელობა იცვლება. ევროპული საბჭოს პრეზიდენტის თანამდებობაზე შარლ მიშელს პორტუგალიის ყოფილი პრემიერი ანტონიო კოშტა ჩაანაცვლებს, ევროკავშირის საგარეო საქმეთა და უსაფრთხოების პოლიტიკის საკითხებში უმაღლესი წარმომადგენლის პოსტს, ჯოზეფ ბორელის ნაცვლად, ესტონეთის პრემიერ-მინისტრი კაია კალასი დაიკავებს, ხოლო ევროკომისიის პრეზიდენტი კვლავ ურსულა ფონ დერ ლაიენი იქნება. რა შეიცვლება ამით საქართველო-ევროკავშირის ურთიერთობებში, რომელც ბოლო დროს უკიდურესად დაძაბულია?