საპარლამენტო არჩევნებიდან სამ კვირაზე მეტია გასული, თუმცა, აშშ-ის ელჩ რობინ დანიგანისა და „ქართული ოცნების“ საპატიო თავმჯდომარის ბიძინა ივანიშვილის დაანონსებულ შეხვედრაზე ჯერჯერობით არანაირი სიახლე არაა. ამ საკითხზე თავად ივანიშვილმა ჯერ კიდევ 21 ოქტომბერს, არჩევნებამდე ხუთი დღით ადრე ისაუბრა, ხოლო არჩევნების მეორე დღეს, 27 ოქტომბერს უკვე პრემიერ-მინისტრმა ირაკლი კობახიძემაც გაიმეორა, რომ შეხვედრა „უახლოეს მომავალში“ გაიმართებოდა.