„საქართველო ირჩევს ევროპას" - ასე ერქმევა მასშტაბურ მსვლელობას, რომელიც დედაქალაქში 20 ოქტომბერს გაიმართება. მსვლელობა კოალიციამ „ჩემი ხმა ევროკავშირს" დაანონსა, რომელსაც ოპოზიციაც შეუერთდება. სავარაუდოდ, 26 ოქტომბრის არჩევნების წინ დედაქალაქში თავის მხარდამჭერთა მასშტაბურ შეკრებას მმართველი პარტიაც მოაწყობს. ანალიტიკოსები ამ შეკრების შემდეგ რაიმე ექსცესებს არ ელოდებიან და აცხადებენ, რომ ასეთ აქციებს საარჩევნო კამპანიისას გასნაკუთრებული მნიშვნელობა აქვს.