სამ კვირაზე მეტი გავიდა საკონსტიტუციო სასამართლოს განმწესრიგებელი სხდომიდან და ისევ არაა ცნობილი რა ბედი ელის „გავლენების კანონთან" დაკავშირებით მოსარჩელეების მოთხოვნებს - მიიღებს თუ არა სასამართლო მათ სარჩელს წარმოებაში და დროებით შეაჩერებს თუ არა კანონის მოქმედებას. კანონი 3 ივნისიდან ძალაშია და იუსტიციის სამინისტრო უკვე ატარებს მასში გათვალისწინებულ ზომებს. რა არის ამ გაჭანურების მთავარი მიზეზი და რა მოხდება, თუკი ამ საკითხის განხილვისას მოსამართლეთა ხმები შუაზე გაიყო?