ოპოზიციას, რომელიც ამერიკისა და ევროკავშირის ელჩების ფასილიტაციით გამართულ მოლაპარაკებებზე არჩევნების სრულად პროპორციული სისტემითა და ნულოვანი ბარიერით ჩატარებას მოითხოვდა, მმართველმა გუნდმა ბარიერის დაწევაზე დისკუსია უკვე შესთავაზა. ოპოზიციაში კი აცხადებენ, რომ „ოცნების" მიერ დაანონსებული ცვლილებები კოსმეტიკური ხასიათისაა და ის ქვეყანას კრიზისიდან ვერ გამოიყვანს. შესაბამისად ოპოზიცია ამაში მონაწილეობის მიღებას არ აპირებს და არც იმას გამორიცხავენ, რომ თვითმმართველობის არჩევნებსაც ბოიკოტი გამოუცხადონ.