პრემიერ-მინისტრი გიორგი გახარია ხუთშაბათს მთავრობის სხდომაზე მაიკ პომპეოს ვიზიტს, საპარლამენტო არჩევნების მეორე ტურსა და დღგ-ს ავტომატური დაბრუნების რეფორმას გამოეხმაურა. თქვა, რომ სახელმწიფო მდივანმა ამერიკის ხალხის და მთავრობის სახელით საქართველოს ხალხს ქვეყნის ტერიტორიული მთლიანობისა და სუვერენიტეტის, ევროატლანტიკური განვითარების, სავაჭრო და ეკონომიკური ურთიერთობების შემდგომი გაღრმავების ურყევი მხარდაჭერა დაუდასტურა. ასევე ისაუბრა საპარლამენტო არჩევნების მეორე ტურის შესახებ, რომელიც 17 ოლქში 21 ნოემბერს გაიმართება. აგრეთვე, ფინანსთა სამინისტროს სისტემური რეფორმის გატარებისთვის მადლობა გადაუხადა.