რეზონანსი
10.09.2023

ასტროლოგები ზოდიაქოს 3 ნიშანს ასახელებენ, შემოდგომაზე განსაკუთრებით გაუმართლებთ, წარმატებას მიაღწევენ როგორც კარიერაში, ასევე პირად ცხოვრებასა და საქმიან ურთიერთობებშიც და ხელსაყრელი პირობები ექნებათ, რომ საკუთარი ოცნებები რეალობად გადააქციონ:

მორიელი

შემოდგომაზე მორიელებს განსაკუთრებით წარმატებული და იღბლიანი პერიოდი ელოდებათ, როცა ნებისმიერი საქმე, წამოწყება, პროექტი, გეგმა გაამართლებს და სასურველ შედეგს მოგცემთ. ნახავთ, რომ სხვადასხვა დავალებას გაცილებით მარტივად უმკლავდებით, დიდ შემართებასა და მოტივაციას იგრძნობთ. მოიპოვებთ აღიარებას სამსახურში, შეძლებთ, საქმიანი ურთიერთობები თქვენთვის სასარგებლოდ წარმართოთ და ფინანსური მოგებაც ნახოთ.

კირჩხიბი

ზოდიაქოს ამ ნიშნის წარმომადგენლები გაცილებით მეტ თავდაჯერებულობას იგრძნობენ და საკუთარი უნარებისა და პოტენციალის სრულად წარმოჩენას შეძლებენ. წარმატება გელით როგორც პირად, ასევე საქმიან ურთიერთობებში. განსაკუთრებული სიახლე კი პირად ცხოვრებაშია მოსალოდნელი, საბოლოოდ მიიღებთ მნიშვნელოვან გადაწყვეტილებას და მიხვდებით, რომ ურთიერთობა განსხვავებულ, ახალ ეტაპზე უნდა გადაიყვანოთ. დიდ მოტივაციას იგრძნობთ და შესაძლოა, მიუბრუნდეთ იმ საქმეებს, რომლებიც ცხოვრების რაღაც ეტაპზე მიატოვეთ, რადგანაც მაშინ ჩათვალეთ, რომ არ გამოგდიოდათ. ახლა სასურველი შედეგის მიღების გაცილებით დიდი შანსია.

თევზები

2023 წლის შემოდგომა თევზებისთვის განსაკუთრებით წარმატებული და ენერგიული იქნება. პირდაპირი მნიშვნელობით, ენერგიის მოზღვავებას იგრძნობთ და გადაწყვეტთ, თქვენი ცხოვრება მთლიანად გარდაქმნათ. დაივიწყოთ არასაჭირო ადამიანები და ურთიერთობები, გახდეთ უფრო თავდაჯერებული და საკმაოდ მტკიცედ თქვათ ის, რაც გინდათ, რომ შეგისრულდეთ. დაისახეთ ამბიციური მიზნები. ახლა ყველა შანსი გაქვთ, რომ ისინი რეალობად აქციოთ. მთელი ამ დროის განმავლობაში თქვენი ინტუიცია განსაკუთრებით კარგად იმუშავებს, რაც დაგეხმარებათ, რომ სწორი გადაწყვეტილებები მიიღოთ.

ვიდეო რეკლამა

სტატიების ნახვა შეგიძლიათ რუბრიკაში "ყველა სტატია"

ყველა ახალი ამბის ნახვა შეგიძლიათ ამ ბმულზე

საინტერესო ვიდეოები შეგიძლიათ იხილოთ რუბრიკაში "ყველა ვიდეო"

ბოლო ამბების ნახვა შეგიძლიათ ამ ბმულზე


Copyright © 2006-2024 by Resonance ltd. . All rights reserved
×