კრემლის ოფიციალურმა წარმომადგენელმა, დიმიტრი პესკოვმა განაცხადა, რომ რუსეთის პრეზიდენტი, ვლადიმირ პუტინი მზად არის, შეხვდეს უკრაინის ლიდერ ვოლოდიმირ ზელენსკის მას შემდეგ, რაც შეხვედრა ექსპერტების დონეზე მომზადდება.

„და მინდა შეგახსენოთ, რომ თავად პრეზიდენტი არ გამორიცხავს ასეთი შეხვედრის ჩატარებას მას შემდეგ, რაც ექსპერტთა დონეზე შესრულდება აუცილებელი სამუშაო“, - აღნიშნა რუსეთის პრეზიდენტის პრესმდივანმა.

პარასკევს უკრაინის პრეზიდენტმა, ვოლოდიმირ ზელენსკიმ დაადასტურა, რომ უკრაინა მზად არის რუსეთთან ლიდერების დონეზე შეხვედრისთვის ნებისმიერ დროს.