მთავარი ამბები
თამთა ჩაჩანიძე
17.09.2020

საერთაშორისო რესპუბლიკური ინსტიტუტის (IRI) მიერ ჩატარებული კვლევის თანახმად, გამოკითხილთა 59% მიიჩნევს, რომ ქვეყანა არასწორი მიმართულებით ვითარდება, ხოლო NDI-ის კვლევის თანახმად კი ასე გამოკითხულთა 32% ფიქრობს. აისახება თუ არა ეს შემდგომში არჩევნების შედეგებზე და არის თუ არა კონკრეული პარტიების მიმართ ამომრჩევლების სიმპატია-ანტიპატიის მაჩვენებელი? სოციოლოგთა აზრით, გამოკითხვისას დასმული კითხვა ზოგადი და ბუნდოვანია, რაზეც ყველა ადამიანს ინდივიდუალური ხედვა აქვს, თუმცა შესაძლოა შედეგებზე რაღაც გავლენა მაინც იქონიოს.

თამთა ჩაჩანიძე
17.09.2020

2016 წელს საპარლამენტო არჩევნებისას 73 მაჟორიტარული ოლქიდან 50-ში მეორე ტურის გამართვა გახდა საჭირო. წელს მაჟორიტარული წესით მხოლოდ 30 პარლამენტარის არჩევა მოხდება. დაახლოებით რამდენ ოქლში გახდება სავარაუდოდ აუცილებელი მეორე ტურის გამართვა - ამასთან დაკავშირებით ანალიტიკოსებს განსხვავებული მოსაზრებები აქვთ, თუმცა მათი უმრავლესობა ვარაუდობს, რომ ყველაზე ცხარე დაპირისპირება იქნება ზუგდიდში და თბილისის ოლქებში, განსაკუთრებით კი ვაკეში, ისანსა და საბურთალოზე.

თამარ მუკბანიანი
17.09.2020

პირველი ოქტომბრიდან ქუთაისიდან რიგის მიმართულებით პირდაპირი ავირეისები აღდგება. პრემიერ-მინისტრის გიორგი გახარიას ინფორმაციით, რეისები კვირაში ერთხელ შესრულდება. დაგეგმილია სხვა ავიაკომპანიებთან მოლაპარაკებები და ფრენის ეტაპობრივი აღდგენა. რამდენად გარდამტეხი იქნება ეს საერთო სურათისათვის და რას მოუტანს ქართულ საავიაციო ბაზარს ,,რეზონანსმა” სპეციალისტებს ჰკითხა. 

ელზა პაპოშვილი
17.09.2020

ქუთაისში, თაბუკაშვილის ქუჩაზე შემზარავი ფაქტი მოხდა. როგორც თვითმხილველები „რეზონანსთან“ ყვებიან, ორი მუშას, რომლებიც ელექტროგადამცემი ხაზების მონტაჟს ახორციელებდნენ და დენმა დაარტყა,,ფაქტიურად ცოცხლად დაიწვნენ. მათ მუშების გადარჩენა ვერ შეძლეს, რადგანაც, როდესაც საშველად გამოვიდნენ, უკვე ცეცხლი ეკიდათ.

ქრისტინე კაპანაძე
17.09.2020

 გერმანიის ხელისუფლება საკუთარი კომერციული ინტერესების ხარჯზე სხვა, თუნდაც მისი მოკავშირე ქვეყნების სტრატეგიული ინტერესების შელახვას არ ერიდება - მოკლედ ასე შეიძლება შეფასდეს გერმანიის მცდელობა როგორმე ბოლომდე მიიყვანოს გაზსადენ „ჩრდილოეთ ნაკადი 2"-ის მშენებლოდა, რომელსაც აქტიურად ეწინააღმდეგებიან აშშ, აშშ, ცენტრალური და აღმოსავლეთ ევროპის ქვეყნები და რომლის მიზანშეწონილობაზეც თავად გერმანიის პოლიტიკურ ელიტაშიც კი აზრთა სხვადასხვაობაა.

მარიკა ხორავა
17.09.2020

 „რა უნდა ეთქვა ამაზე IRI-ს? უნდა ეწამებინა ხალხი, თუ ფრჩხილები უნდა დაეძრო და ეთქმევინებინა ხმას ვის აძლევს. კვლევითი ორგანიზაციის ფუნქცია ეს არ არის", - ასე ეხმაურება ანალიტიკოსი გია ხუხაშვილი „ქართული ოცნების" ერთ-ერთი ლიდერის ირაკლი კობახიძის მიერ „საერთაშორისო რესპუბლიკური ინსტიტუტის" (IRI) მწვავე კრიტიკას, რომელმაც კვლევით ორგანიზაციას უთავმოყვარეო უწოდა.

თამთა ჩაჩანიძე
17.09.2020

„ზოგადად, მომავალ პარლამენტს თუ თვალს შევავლებთ, ჭრელი იქნება, მაგრამ პროცესში და საპარლამენტო ცხოვრებაში მონაწილეობას ნაკლები ადამიანი მიიღებს.პარლამენტში ყველაზე დიდი რვა პარტია შევა პლიუს-მინუს 2", - ასე აფასებს „რეზონანსთან" საუბრისას ანალიტიკოსი ვახტანგ ძაბირაძე 1%-იანი ბარიერის პირობებში მომავალ პარლამენტის სავარაუდო კონფიგურაციას.

მარიკა ხორავა
16.09.2020

ოპოზიციას ძალოვანი სტრუქტურების რეფორმირების რადიკალური გეგმა აქვს, რომლის განხორციელებაც ხელისუფლებაში ყოფნის დროს აზრად არ ჰქონიათ - სახელმწიფო უსაფრთხოების სამსახური შეიძლება დაიშალოს, პროკურატურას ჩამოერთვას გამოძიებაზე ზედამხედველობის ფუნქცია, შსს-ში კი სრული დეცენტრალიზაცია მოხდეს და რეგიონებში შერიფების ინსტიტუტი შემოიღონ. რამდენად გამართლებულია ასეთი ცვლილებები და რა მოყვება რეალურად ამ გეგმების განხორციელებას?

თამთა ჩაჩანიძე
16.09.2020

„ოცნებას" საერთოდ რთული პერიოდი დაუდგა: ერთი მხრიდან ლარის კურსი უტევს, მეორე მხრიდან - კორონავირუსი და ორივე ანტირეკორდებს ამყარებს. ამ ჩიხში და ამ ზეწოლის ქვეშ, რა თქმა უნდა, „ქართული ოცნებისთვის" მოქმედება ადვილი არ იქნება, მაგრამ, პრინციპში, მაინც შედეგი ისეთივე იქნება, როგორც თვითონ ამბობენ," - ასე აფასებს „რეზონანსთან" პოლიტოლოგი რამაზ საყვარელიძე ლარის კურსის მკვეთრ ვარდნას და წინასაარჩევნოდ ამის შესაძლო გავლენას მმართველი პარტიის რეიტინგზე.

ქრისტინე კაპანაძე
16.09.2020

 „პატრიოტთა ალიანსს" „ქართულ მარშთან" საარჩევნო ფორმატში თანაშრომლობასთან დაკავშირებით არანაირი შეთანხმება არ ჰქონია და აქედან გამომდინარე, სანდრო ბრეგაძის უკმაყოფილება და კრიტიკა გაკვირვებას იწვევს, - ამის შესახებ „პატრიოტთა ალიანსის" პოლიტიკური მდივანი გოჩა თევდორაძე „ქართული მარშის" ლიდერის სანდრო ბრეგაძის გადაწყვეტილების კომენტირებისას განაცხადა.

თამთა ჩაჩანიძე
16.09.2020

ოპოზიციურ პარტიათა გაერთიანებაში „ძალა ერთობაშია" „ნაციონალური მოძრაობის" გარდა 10-ზე მეტი პარტია იყო გაერთიანებული. თუმცა, სამშაბათს შექმნილ ამავე სახელწოდების საარჩევნო ბლოკში „ნაცმოძრაობასთან" ერთად მხოლოდ 4 პარტია მოხვდა. „ნაცმოძრაობაში" აცხადებენ, რომ ამით „ძალა ერთობაშია" გაფართოვდა.

თამთა ჩაჩანიძე
16.09.2020

პარტია „მოქალაქეების" ლიდერმა და საბურთალოს მაჟორიტარობის კანდიდატმა ალეკო ელისაშვილმა საარჩევნო ბანერზე წარწერით „ალეკო გისმენთ" საკუთარი ტელეფონის ნომერი განათავსა. ელისაშვილს „რეზონანსმაც" დაურეკა. ადრესატმა გვიპასუხა სიტყვებით „ალეკო გისმეთ". როგორც მან გვითხრა, რაც ბანერი განათავსა, მას შემდეგ 200-ზე მეტ ზარს უპასუხა.

ქრისტინე კაპანაძე
16.09.2020

პარტია „თავისუფალი საქართველოს“ თავმჯდომარის კახა კუკავას ინფორმაციით, მისი თანაპარტიელის გოგი წულაიას ჯანმრთელობის მკვეთრი გაუარესება საარჩევნო კამპანიას არ უკავშირდება. სანამ წულაიას გულის შეტევა დაემართებოდა, წინა დღეს ისინი თბილისში ერთად იყვნენ და სარეკლამო რგოლს იღებდნენ.

ირაკლი ლომიძე
17.09.2020

 ლარის კურსს ვერც მთავრობა და ვეღარც ეროვნული ბანკი ვერაფერს უხერხებენ. სპეციალისტები ვარაუდობდნენ, რომ კურსი ნომებრეში 3,20-3,25-იან ნიშნულს მიაღწევდა, მაგრამ უკვე სექტემბერში დადგა ეს მოცემულობა. წინ არჩევნებია და ხელისუფლებას ყველაზე მეტად ახლა უნდა სურდეს, ლარის სტაბილურობა, თუმცა ეს უკვე შეუძლებელია. ამ ტემპით თუ გაგრძელდება შეიძლება გაცვლითი კურსის ნიშნულმა 4,0-იან მაჩვენებელს მიაღწიოს. არჩევნების შემდეგ მთავრობისთის ლარის თემა აქტუალობას დაკარგავს და შეიძლება კურსი ბოლომდეც მიუშვან.

ელზა პაპოშვილი
17.09.2020

ქუჩური გარჩევა რუსთავში, რომელშიც 40-ამდე არასრუწლოვანი მონაწილეობდა - ადგილობრივები „რეზონანსს“ უყვებიან, რომ ჩხუბი თავდაპირველად მე-4 საშუალო სკოლის ეზოში დაიწყო, თუმცა მათ ტერიტორია დაცვამ დაატოვებინათ. ამის შემდეგ კი ჩხუბი სკოლის მიმდებარედ გაგრძელდა. ადგილობრივებმა საპატრულო პოლიცია გამოიძახეს. სამართალდამცველებმა ახალგაზრდებს დაშლისკენ მოუწოდეს, თუმცა მათ პოლიციას სიტყვიერი შეურაცხყოფა მიაყენეს. 

მარიკა ხორავა
17.09.2020

 8 ერის ტურნირის წინ რაგბის კავშირში მომხდარმა ინციდენტმა ქართული რაგბის მიმართ გულშემატკივრის გილაცრუება არ უნდა გამოიწვიოს, განსაკუთრებით იმის გათვალისწინებით, რომ „ბორჯღალოსნები" 8 ერის გათამაშებისთვის ემზადებიან, რომელიც დაახლოებით ერთ თვეში დაიწყება, - ამის შესახებ „რეზონანსთან" საუბარში პარლამენტის წევრმა და ყოფილმა რაგბისტმა ირაკლი აბუსერიძემ განაცხადა.

ელზა პაპოშვილი
16.09.2020

საქართველო, სავარაუდოდ უკვე 17 სექტემბერს, კორონავირუსის გავრცელების მასშტაბების თვალსაზრისით „წითელ ზონაში“ გადადის. ამის შესახებ ჯანდაცვის სპეციალისტები აცხადებენ „რეზონანსთან“ საუბრისას. მათივე თქმით, პრემიერ-მინისტრ გიორგი გახარიას განცხადებამ, რომ ქვეყანა ისევ „მწვანე ზონაში“ იმყოფება გარკვეული დაბნეულობა გამოიწვია.

თამთა ჩაჩანიძე
16.09.2020

ინგუშეთის დედაქალაქ მაგასის რაიონულმა სასამართლომ ადგილობრივი ოპოზიციური გამოცემა „ფორტანგას" ყოფილი რედაქტორი რაშიდ მაისიგოვი დამნაშავედ ცნო დიდი ოდენობით ნარკოტიკების შენახვაში და 3 წლით პატიმრობა მიუსაჯა. ახლო მომავალში მას კიდევ ერთი სასამართლო ელის - მაისიგოვს ამჯერად ინგუშეთის საქართველოსთან შეერთების მოწოდების გამო გაასამართლებენ.

რეზონანსი
15.09.2020

ევროკავშირი რუსეთისათვის ახალი სანქციების დაწესებას გეგმავს, რომელსაც „ნავალნის სანქციების“ რეჟიმი ერქმევა. ამის შესახებ ევროკავშირის საგარეო საკითხების უმაღლესმა კომისარმა ჟიზეფ ბორელმა ევროპარლამენტის სესიაზე განაცხადა. თავად რუსი ოპოზიციონერი ალექსეი ნავალნის მდგომარეობა კი, რომელიც მოწამვლის შემდეგ გერმანიაში აგრძელებს მკურნალობას, მნიშვნელოვნად გაუმჯობესდა.

რეზონანსი
13.09.2020

ვისცერალური გაცხიმოვნება ანუ მუცლის არეში გამოხატული ჭარბი ცხიმოვანი ქსოვილი ერთ-ერთი გავრცელებული და მნიშვნელოვანი პრობლემაა პაციენტებისათვის. წელის გარშემოწერილობა, წონა, სიმაღლე და სხეულის მასის ინდექსი (BMI) არის მაჩვენებლები, რომელთა დარღვევაც ასოცირებულია ნივთიერებათა ცვლის დარღვევასთან და ინსულინრეზისტენტობის გამოვლენასთან. ამასთან დაკავშირებით ჩნდება არაერთი კითხვა.

ჩვენი გაზეთის მკითხველებს პასუხობს კლინიკა ენმედიცის ექიმი-ენდოკრინოლოგი თამარ ჩადუნელი.




















Copyright © 2006-2020 by Resonance ltd. . All rights reserved
×