„მე წარმოვადგენ საქართველოს - ძლიერ ერს, რომელიც აფასებს თავისუფლებას, ეთაყვანება თავის მდიდარ მემკვიდრეობას და ისწრაფვის პროგრესისკენ მუდმივად ცვალებად გეოპოლიტიკურ ვითარებაში", - ამ სიტყვებით დაიწყო თავისი გამოსვლა საქართველოს პრემიერ-მინისტრმა, ირაკლი ღარიბაშვილმა გაერო-ს 78-ე სესიის გენერალურ დებატებზე. მთავრობის მეთაურმა ვრცელ მიმართვაში საქართველოს მიერ გატარებულ ეკონომიკურ და დემოკრატიულ რეფორმებზე, ასევე ევროინტეგრაციის გზაზე მიღწეულ პროგრესზე ისაუბრა და ხაზი გაუსვა ქვეყნისთვის ევროკავშირის წევრობის კანდიდატის სტატუსის მინიჭების მნიშვნელობას.

რეალურად არსებობს თუ არა ქვეყანაში სამოქალაქო დაპირისპირების საფრთხე - ეს საკითხი პარასკევს ღამით გლდანში მომხდარი ინციდენტის შემდეგ კიდევ ერთხელ გახდა აქტუალური. ანალიტიკოსები მიიჩნევენ, რომ სხვადასხვა პოლიტიკური ძალების წარმომადგენლებსა და მხარდამჭერებს შორის მსგავსი ფიზიკური დაპირისპირების შემთხვევები საპარლამენტო არჩევნების მოახლოებასთან ერთად გახშირდება, მოსალოდნელია გარკვეული პროვოკაციებიც, თუმცა ეს, სავარაუდოდ, მხოლოდ დესტაბილიზაციის იმიტაცია იქნება.

ერევანში აქციები არ წყდება, ყარაბაღში კი მას შემდეგ, რაც სეპარატისტული ხელმძღვანელობა ოფიციალურ ბაქოს ფაქტიურად დანებდა, დაძაბული სიმშვიდეა და ეთნიკური სომხები გაურკვევლობაში არიან. ამის ფონზე პრემიერ-მინისტრი ნიკოლ ფაშინიანი კვირას ვრცელი მიმართვით გამოვიდა. ანალიტიკოსები მიიჩნევენ, რომ სამხრეთ კავკასიაში ფუნდამენტურმა გეოპოლიტიკურმა ცვლილებებმა უკვე შეუქცევადი ხასიათი მიიღო საქართველო ამას მომზადებული უნდა დახვდეს.

გლობალურ ბაზრებზე შაქრის გაძვირების ახალი ტენდენცია დაიწყო და გაგრძელდება თუ არა ეს პროცესი, ჯერჯერობით ვერავინ პროგნოზირებს. ფასი მკვეთრად გაზრდილია და გარკვეული ცვლილება ადგილობრივ ბაზარზეც მოსალოდნელია. ფაქტია, რომ არსებული ფასი დიდხანს ვერ შენარჩუნდება. როგორც იმპორტიორები აცხადებენ, მარაგი ჯერ კიდევ არის, თუმცა როგორც კი ახალი პარტია შემოვა, შაქრის ღირებულება სავაჭრო ქსელებშიც მოიმატებს.

ოზურგეთის რაიონის ერთ-ერთ სოფელში 62 წლის მამაკაცი მეზობელი არასრუწლოვანის მიმართ გარყვნილი ქმედების ბრალდებით დააკავეს. არასრუწლოვანი გოგონა და დაკავებული მეზობლები არიან და როგორც ადგილობრივები ყვებიან, მამაკაცი ოჯახის ახლო მეგობარია და მათთან ხშირად სტუმრობდა. მეზობლებისათვის ეს ამბავი სრული მოულოდნელობა აღმოჩნდა.

უახლოეს პერიოდში უკრაინულმა არმიამ შესაძლოა საბრძოლო დრონებით თავდასხმა განახორციელოს აფხაზეთის ტერიტორიაზე - ეს ინფორმაცია  რუსულმა „ტელეგრამ“ არხმა „ლეგიტიმნი“ თავის წყაროებზე დაყრდნობით გაავრცელა. მათივე ცნობით, ამ გეგმას აქტიურად ლობირებს უკრაინაში მებრძოლი „ქართული ლეგიონი“ და დარტყმების სამიზნე იქნება აფხაზეთის კრიტიკული ინფრასტრუქტურა. უფრო კონკრეტულად კი სოხუმის აეროპორტი, რომლის აღდგენასაც რუსები გეგმავენ.

საქართველოს პრეზიდენტს ამ ეტაპზე, მიზანშეწონილად არ მიაჩნია საქართველოს ყოფილი გენერალური პროკურორის, აშშ-ის მიერ სანქცირებული ოთარ ფარცხალაძისთვის საქართველოს მოქალაქეობის შეწყვეტა. სალომე ზურაბიშვილის მიერ პოზიციის ასეთი ცვლილება მოულოდნელი და მიუღებელი აღმოჩნდა როგორც ხელისუფლების, ისე ოპოზიციისათვის. ამასთან, იურისტთა შეფასებით, ეს გადაწყვეტილება საქართველოს კანონმდებლობასაც ეწინააღმდეგება.

პრეზიდენტს ოთარ ფარცხალაძისთვის საქართველოს მოქალაქეობის შეწყვეტის შესახებ დოკუმენტზე ხელი ამ დრომდე არ მოუწერია. არადა სახელმწიფო სერვისების განვითარების სააგენტომ მოქალაქეობის შეწყვეტაზე დასკვნა სალომე ზურაბიშვილს ორი დღის წინ გაუგზავნა. ოპოზიციაშიც და  მმართველ გუნდშიც უკვირთ ამ საკითხზე ზურაბიშვილის დაგვიანების, რადგან როგორც ხელისუფლების ოპონენტები აცხადებენ, თავად პრეზიდენტმა მოითხოვა ამ პროცედურების დაწყება. 

რუსეთში გაცხოველდა საუბრები როკის გვირაბისა და ცხინვალის გავლით რუსეთ-საქართველოს დამაკავშირებელი ავტომაგისტრალის გახსნაზე, რომელიც 2008 წლის ომის შემდეგ ჩაიკეტა. ეს შესაძლებლობა რამდენიმე დღის წინ ვლადიკავკაზში განიხილეს, სადაც ქართული მხარე არ იყო წარმოდგენილი, თუმცა იყო პრო-კრემლისტურად განწყობოილი ქართული დიასპორული ორგანიზაცია. როგორც ჩანს, ცხინვალის რეჟიმიც ყაბულსაა. თბილისში კი ამ საკითხზე ოფიციალური განცხადება ჯერ არ გაკეთებულა.

ნიკა მელია ენმ-ში კვლავ მწვავე დაპირისპირებაზე საუბრობს, თუმცა პარტიიდან წასვლას ისევ არ აპირებს. როგორც ანალიტიკოსი რამაზ საყვარელიძე „რეზონანსთან" ამბობს, მელია პარტიის ახლანდელ მენეჯმენტთან განუწყვეტელ დაპირისპირებას ორი მთვარაი მიზეზის გამო უძლებს, პირველი ის, რომ მას თავმჯდომარის პოსტზე დაბრუნების იმედი აქვს და მეორე, მას მიხეილ სააკაშვილის მომხრეების ხმები „ეძვირფასება".

ეროვნული ბანკის პრეზიდენტობის მოვალეობის შემსრულებლის, ნათია თურნავას გადაწყვეტილების გამო დაპირისპირება გრძელდება. მას შემდეგ, რაც მან 19 სექტემბერს გამონაკლისი დაუშვა სანქცირებული საქართველოს მოქალაქეებისთვის, კერძოდ ოთარ ფარცხალაძეს შეძლებოდა საბანკო აგარიშებზე წვდომა ჰქონოდა, პრეზიდენტმა სალომე ზურაბიშვილმა მისი გადადგომა მოითხოვა. 

მიუხედავად ყველაფრისა, ჩვენმა პარტნიორებმა საქართველოს მოსახლეობის აბსოლუტური უმრავლესობის სურვილი უნდა გაითვალისწინონ, რომ ევროკავშირში გვინდა და კანდიდატის სტატუსი მოგვანიჭონ - ამის შესახებ „რეზონანსთან" ანალიტიკოსმა ვახტანგ ძაბირაძემ განაცხადა, კითხვაზე იმოქმედებს თუ არა ევროკავშირის გადაწყვეტილებაზე, აშშ-ის მიერ საქართველოს ყოფილი გენპროკურორის ოთარ ფარცხალაძის დასანქცირება და მასთან დაკავშირებული მოვლენები.

უკრაინის პრეზიდენტი ვოლოდიმირ ზელენსკი უკრაინის ტერიტორიების გათავისუფლებაზე, ახალ სამოქმედო გეგმასა და აშშ-სთან ერთად თანამედროვე უკრაინული იარაღის წარმოებაზე საუბრობს. თუ შეიარაღება არსებობს და თუ მათ შორის სტრატეგიული სამხედრო კომპლექსური გეგმა, სამხედრო ექსპერტები „რეზონანსთან" მსგავსი სცენარის განვითარებას არ გამორიცხავენ, რაც უკრაინის კონფლიქტში გარდამტეხი აღმოჩნდება.

საქართველოში საწვავის კიდევ უფრო მეტად გაძვირება გარდაუვალია. 3-ლარიანი ნიშნულის გადაცდენამდე არც ისე დიდი დროა დარჩენილი. ასეთი მოცემულობა და მეტად სიძვირის მოლოდინი რუსეთიდან შექმნილ პრობლემასა და საერთაშორისო ბაზრებზე ნავთობის გაძვირებასთანაა დაკავშირებული.

საქართველოს ეროვნული ბანკის გარშემო მოვლენები ჯერჯერობით არ ცხრება. პარლამენტმა სალომე ზურაბიშვილის მიერ წარდგენილი კანდიდატურები სასწრაფო წესით დაამტკიცა. გამოდის, რომ 6 ადამიანამდე გაიზარდა სებ-ის საბჭოს წევრთა ოდენობა, ეს კი იმას ნიშნავს, რომ ქვეყნისთვის ერთ-ერთი მნიშვნელოვანი ინსტიტუტი ქმედითუუნარობას გადაურჩა.

ლარის სტაბილურობას ბოლო წელიწად-ნახევრის განმავლობაში პირველად დაემუქრა რეალური საფრთხე. ეროვნული ბანკის გადაწყვეტილებამ სანქციათია რეჟიმების შესრულების ნაწილში ცვლილების შეტანასთან დაკავშირებით, საფინანსო ბაზარი მკვეთრად შეარყია. ამას დაემატა სებ-დან  სამი ვიცე-პრეზიდენტის გასვლა,  რომლებმაც თანამდებობა პროტესტის ნიშნად დატოვეს.  ეროვნული ვალუტა, რომლის სტაბილურობა მეტწილად პოლიტიკურ პროცესებზეა დამოკიდებული, ერთ დღეში საგრძნობლად  გაუფასურდა. მიუხედავად ამისა, სავალუტო ბაზარზე პრობლემას ფინანსური სექტორის წარმომადგენლები ნაკლებად ელიან.

ჯერ კიდევ უცნობია ტექნიკური უნივერსიტეტის პროფესორის  ოთარ გელაშვილის ჯერ გატაცების, შემდეგ კი სასტიკად ცემის და წამების მიზეზი. ის უგონო მდგომარეობაში გარდაბნის ტყეში მწყემსებმა იპოვეს, ერთთვიანი კომის შემდეგ კლინიკაში გარდაიცვალა. 

ნიდერლანდებში ქართველი ქართველის მკვლელობაშია ეჭვმიტანილი. როგორც ნიდერლანდების პოლიცია აცხადებს, მკვლელობა მწერლის გოჩა მანველიძის 28 წლის შვილს, თორნიკე მანველიძეა ეჭვმიტანილი. მას ამ დრომდე ეძებენ. მათი ინფომაციით,  19 სექტემბერს, მანველიძემ საქართველოს მოქალაქე, მარტვილში მცხოვრები 32 წლის  შოთა საკანდელია მოკლა.